مرزا غالب

دل کو آنکھوں نے پھنسایا کیا مگر
یہ بھی حلقے ہیں تمہارے دام کے

امام بخش ناسخ

اک آدھ رہے جسم مشبک میں ترا تیر
خالی نہ کبھی صید سے ہو دام ہمارا
طائرِ روح رمیدہ کی طرح چھوٹا ہوں
اب تو صیاد ترے دام سے کچھ کام نہیں

انشاء اللہ خان انشا

اے بادِ صبا محفل احباب میں کہیو
دیکھا ہے جو کچھ حال تہہ دام ہمارا
ہم صفیرو چھٹو گے مت تڑپو
دم ابھی آ کے زیرِ دام تو لو

بہادر شاہ ظفر

دیکھ کر کھولیو تو کاکل پیچاں کی گرہ
کہ مرا طائرِ دل اس کے تہِ دام نہ ہو

حیدر علی آتش

لطف حاصل ہو جو زلفوں میں گرفتاری کا
مول لیں دل کی اسیری کے لیے دام کو ہم
رکھوا کے زلفیں یار نے لاکھوں ہی مرغِ دل
پیدا کیے ہیں کشمکش دام کے لیے

داغ دہلوی

ہاتھ سے صیاد کے گر کر چھری
کٹ گئے حلقے ہمارے دام کے
دیکھ کر جنسِ دل وہ کہتے ہیں
کیوں کرے کوئی اپنے دام خراب

شیخ ابراہیم ذوق

ترے اسیر جو صیاد کرتے ہیں فریاد
تو پھر وہ دم ہی نہیں زیرِ دام لیتے ہیں
ہم ان کی زلف سے سودا جو وام لیتے ہیں
تو اصل و سود وہ سب دام دام لیتے ہیں

مصحفی غلام ہمدانی

رسن دام کو صیاد نے کھینچا تو وہیں
آن کر سر پہ اسیروں کے گرا دام الٹا
تیغِ ابرو ہمیں بھی دے اک زخم
سر پہ عالم کے دام ہے تیرا

مصطفٰی خان شیفتہ

صیاد کا دل اس سے پگھلنا متعذر
جو نالہ کہ آتش فگنِ دام نہ ہو گا

فیض احمد فیض

بہار اب آ کے کیا کرے گی کہ جن سے تھا جشنِ رنگ و نغمہ
وہ گل سرِ شاخ جل گئے ہیں، وہ دل تہِ دام بجھ گئے ہیں

مرزا رفیع سودا

بندہ ہے خدا کا تو یقیں کر کہ بتاں کا
بندہ یہ جہاں بے زر و بے دام کا ہوں میں

باقی صدیقی

عمر بھر اپنی ہی گردش میں رہے ہم باقیؔ
اس جگہ دل تھا جہاں اور کوئی دام نہ تھا
ابھی آزادی حیات کہیں
ابھی پیشِ نظر ہیں دام بہت
آنے لگا حیات کو انجام کا خیال
جب آرزوئیں پھیل کے اک دام بن گئیں
باقیؔ مال شوق کا آنے لگا خیال
جب آرزوئیں پھیل کے اک دام بن گئیں
وہی گلشن، وہی گلشن کے انداز
فقط صیاد بدلے ، دام بدلے

جون ایلیا

صید تو کیا کہ صید کار خود بھی نہیں یہ جانتا
دانہ بھی رنج ہے یہاں یعنی کہ دام رنج ہے

جگر مراد آبادی

سب جس کو اسیری کہتے ہیں وہ تو ہے امیری ہی لیکن
وہ کون سی آزادی ہے یہاں جو آپ خود اپنا دام نہیں
صیاد شادماں ہے مگر یہ تو سوچ لے
میں آ گیا کہ سایہ تہِ دام آ گیا

عبدالحمید عدم

زلفِ پریشاں ہی اچھی ہے
عالم زیرِ دام رہے گا
کتنی دعائیں دوں تری زلفِ دراز کو
کتنا وسیع سلسلۂ دام کر دیا

قمر جلالوی

اب مجھے دشمن سے کیا جب زیرِ دام آ ہی گیا
اک نشیمن تھا سو وہ بجلی کے کام آ ہی گیا
یہ سمجھ لو رکھنی بات مجھے صیاد کی
ورنہ میں نے سینکڑوں توڑے ہیں حلقے دام کے
بہار ایسی کوئی اے گردشِ ایام آ جائے
بجائے صید خود صیاد زیرِ دام آ جائے

عرفان صدیقی

غزال آتے بھی ہیں زیرِ دام جانتا ہوں
مگر یہ رزق میں خود پر حرام جانتا ہوں
یہ بے کسان گرفتار سب انہیں کے طفیل
نکل کے حلقۂ زنجیر و دام سے آئے

اسرار الحق مجاز

کھل گئی تھی صاف گردوں کی حقیقت اے مجازؔ
خیریت گزری کہ شاہیں زیرِ دام آ ہی گیا

آنس معین

عجب تلاش مسلسل کا اختتام ہوا
حصول رزق ہوا بھی تو زیر دام ہوا

علی سردار جعفری

نہ جانے کتنی نظریں اس دلِ وحشی پہ پڑتی ہیں
ہر اک کو فکر ہے اس کی یہ شاہیں زیرِ دام آئے

ماجد صدیقی

گرفت میں ہیں جو ماجدؔ انہی پہ بس کیجے
نہ آپ اڑتے پرندوں کو زیرِ دام کریں

جوش ملیح آبادی

بہ ناز مغچگان و بہ فیض نعرۂ ہو
ہمائے ارض و سما زیر دام ہے ساقی

حفیظ ہوشیارپوری

رنگ بہار پر نہ بھول بوئے چمن سے در گزر
یہ بھی ہیں خوش نما فریب دانہ و دام کے سوا

سیف الدین سیف

کوئی کروٹ بدل اے درد ہستی
تمنا دام ہوتی جا رہی ہے
چین اب مجھ کو تہِ دام تو لینے دیتے
تیرے فتنے کہیں آرام تو لینے دیتے

شاد عظیم آبادی

پڑا ہے سلسلہ تقدیر کا صیاد کے بس میں
چمن میں اے صبا کیونکر اسیرِ دام آئے گا
اے ہم نفسو دم لینے دو بھولے ہوئے نغمے یاد آ لیں
آئے ہیں چمن میں اڑ کے ابھی چھوٹے ہیں اسی دم دام سے ہم

شکیل بدایونی

مرے طائر نفس کو نہیں باغباں سے رنجش
ملے گھر میں آب و دانہ تو یہ دام تک نہ پہنچے
موسمِ گل ساتھ لے کر برق و دام آ ہی گیا
یعنی اب خطرے میں گلشن کا نظام آ ہی گیا
ہائے وہ پیکر ہوس ہائے وہ خوگر قفس
بیچ کے جس نے آشیاں حلقۂ دام لے لیا

عزیز حامد مدنی

ایسے غم طوفاں میں اکثر اک ضد کو اک ضد کاٹ گئی
شاید کہ نہنگ آثار ہوا کچھ اب کے حریف دام چلے
دھویں میں اک طائر نواگر نے آتشِ گل پہ جان دے دی
رگِ گلو میں جلی ہوئی لے چمک گئی زیرِ دام کہنا

فانی بدایونی

ہم ہیں وہ بلا دوست کہ گلشن کا تو کیا ذکر
جنت بھی بجائے قفس و دام نہ لیتے

احمد فراز

نو گرفتارِ وفا سعی رہائی ہے عبث
ہم بھی الجھے تھے بہت دام سے پہلے پہلے

کلیم عاجز

مجھے لذت اسیری کا سبق پڑھا رہے ہیں
جو نکل کے آشیاں سے کبھی دام تک نہ پہنچے

مجروح سلطان پوری

پھر اٹھ کے گرم کریں کاروبار زلف و جنوں
پھر اپنے ساتھ اسے بھی اسیرِ دام کریں
پھر اٹھ کے گرم کریں کاروبار زلف و جنوں
پھر اپنے ساتھ اسے بھی اسیرِ دام کریں