امام بخش ناسخ

فرقت میں جو سر پٹک رہا ہوں
مشغول نماز کبریا ہوں
منہ زرد ہے تنکے چن رہا ہوں
اے وحشت کیا میں کہربا ہوں

بہادر شاہ ظفر

نشۂِ عشق لے اڑا ہے مجھے
اب مزے میں اڑا رہا کچھ ہوں
نہیں عشق میں اس کا تو رنج ہمیں کہ قرار و شکیب ذرا نہ رہا
غمِ عشق تو اپنا رفیق رہا کوئی اور بلا سے رہا نہ رہا
اسے چاہا تھا میں نے کہ روک رکھوں مری جان بھی جائے تو جانے نہ دوں
کیے لاکھ فریب کروڑ فسوں نہ رہا نہ رہا نہ رہا نہ رہا

داغ دہلوی

اس لیے دل کو لگا رکھا ہے
اس میں محبوب رہا کرتے ہیں

مصحفی غلام ہمدانی

آفریں سامنے آنکھوں کے مری
یوں ہی تا دیر رہا کیجیے بس
جب کہ بے پردہ تو ہوا ہو گا
ماہ پردے سے تک رہا ہو گا

مومن خان مومن

کبھی انصاف ہی دیکھا نہ دیدار
قیامت اکثر اس کو میں رہا کی

میر مہدی مجروح

غور ہر چند کر رہا ہوں میں
پر یہ کھلتا نہیں کہ کیا ہوں میں
روز و شب ہے خیال کاکل و زلف
کن بلاؤں میں پھنس رہا ہوں میں
کل جو میں نے کہا کہ او بے مہر
دردِ فرقت سے مر رہا ہوں میں
دکھنے کیا زخمِ دل لگے مجروحؔ
ہائے ہائے جو کر رہا ہوں میں
کل نشے میں تھا وہ بت مسجد میں گر آ جاتا
ایماں سے کہو یارو پھر کس سے رہا جاتا

مرزا رفیع سودا

جب میں گیا اس کے تو اسے گھر میں نہ پایا
آیا وہ اگر میرے تو در خود نہ رہا میں
نسیم ہے ترے کوچے میں اور صبا بھی ہے
ہماری خاک سے دیکھو تو کچھ رہا بھی ہے

یگانہ چنگیزی

خودی کا نشہ چڑھا آپ میں رہا نہ گیا
خدا بنے تھے یگانہؔ مگر بنا نہ گیا
پیام زیرِ لب ایسا کہ کچھ سنا نہ گیا
اشارہ پاتے ہی انگڑائی لی رہا نہ گیا
کرشن کا ہوں پجاری علی کا بندہ ہوں
یگانہؔ شانِ خدا دیکھ کر رہا نہ گیا

باقی صدیقی

تم کب تھے قریب اتنے میں کب دور رہا ہوں
چھوڑو نہ کرو بات کہ میں تم ے خفا ہوں
چھیڑو نہ ابھی شاخ شکستہ کا فسانہ
ٹھہرو میں ابھی رقصِ صبا دیکھ رہا ہوں

جون ایلیا

مجھ کو یہ ہوش ہی نہ تھا تو مرے بازوؤں میں ہے
یعنی تجھے ابھی تلک میں نے رہا نہیں کیا
بس گیا جب وہ شہرِ دل میں مرے
پھر میں اس شہر میں رہا بھی نہیں
لمحوں سے اب معاملہ کیا ہو
دل پہ اب کچھ گزر رہا بھی نہیں
نکہت پیرہن سے اس گل کی
سلسلہ بے صبا رہا میرا
اے صبح میں اب کہاں رہا ہوں
خوابوں ہی میں صرف ہو چکا ہوں
مجھ سے بچھڑی جو موج نکہت یار
پھر میں اس شہر میں رہا ہی نہیں
ذکر بھی اس سے کیا بھلا میرا
اس سے رشتہ ہی کیا رہا میرا
سب میرے بغیر مطمئن ہوں
میں سب کے بغیر جی رہا ہوں
آج شمشان کی سی بو ہے یہاں
کیا کوئی جسم جل رہا ہے کہیں
غم ہے بے ماجرا کئی دن سے
جی نہیں لگ رہا کئی دن سے

جگر مراد آبادی

میں شکوہ بلب تھا مجھے یہ بھی نہ رہا یاد
شاید کہ مرے بھولنے والے نے کیا یاد

خواجہ میر درد

میرے نالوں پہ کوئی دنیا میں
بن کیے آہ کم رہا ہو گا

قمر جلالوی

بیمار تجھے نزؑ میں وہ بت ہی رہا یاد
کافر کو بھی آ جاتا ہے ایسے میں خدا یاد
سمجھ رہا ہوں قمر راہزن بجھا دے گا
چراغِ راہ ہوں رستے میں جل رہا ہوں میں
کیا کوئی باغ میں ہم مفت رہا کرتے ہیں
ایک گھر برق کو ہر سال دیا کرتے ہیں
جب لطف ہو اللہ ستم والوں سے پوچھے
تو یاس کی نظروں سے مجھے دیکھ رہا ہو

شکیب جلالی

کنارِ آب کھڑا خود سے کہہ رہا ہے کوئی
گماں گزرتا ہے ‘ یہ شخص دوسرا ہے کوئی

عرفان صدیقی

صدیوں سے سینہ زن ہے بدن میں لہو کی لہر
آج اس کو پیش تیغِ ستم گر رہا کریں
ڈار سے اس کی نہ عرفانؔ جدا کر اس کو
کھول یہ بندِ وفا اور رہا کر اس کو
میں نے اتنا اسے چاہا ہے کہ وہ جانِ مراد
خود کو زنجیرِ محبت سے رہا چاہتی ہے

مجید امجد

دل نے ایک ایک دکھ سہا تنہا
انجمن انجمن رہا تنہا
تیری آہٹ قدم قدم اور میں
اس معیت میں بھی رہا تنہا

جمال احسانی

کسے خبر تھی کہ یہ دن بھی دیکھنا ہو گا
اب اعتبار بھی دل کو نہیں رہا اس کا

رئیس فروغؔ

اپنے ہی شب و روز میں آباد رہا کر
ہم لوگ برے لوگ ہیں ہم سے نہ ملا کر
کئی دن سے کوئی آوارہ خیال
راستہ بھول رہا ہے مجھ میں
خواب آتے رہے خواب جاتے رہے
صبح تک ایک عالم رہا ہر طرف
دو گھڑی بھی نہ چمکا تھا سورج مگر
برف پہروں پگھلتا رہا ہر طرف
تو کہیں آس پاس تھا وہ ترا التباس تھا
میں اسے دیکھتا رہا پھر مجھے نیند آ گئی

احسان دانش

یہ ہے فغاں کا زور تو پھر وہ چکا قفس
کر دے گی میری شعلہ نوائی رہا مجھے
لہکی اذان بجنے لگے راستوں کے فرش
کرنوں کو قید شب سے رہا کر دیا گیا

اختر شیرانی

اب دوا کیسی ہے دعا کا وقت
تیرے بیمار میں رہا کیا ہے

اسرار الحق مجاز

کمال عشق ہے دیوانہ ہو گیا ہوں میں
یہ کس کے ہاتھ سے دامن چھڑا رہا ہوں میں
یہ میرے عشق کی مجبوریاں معاذ اللہ
تمہارا راز تمہیں سے چھپا رہا ہوں میں

بشیر بدر

یوں ہی بے سبب نہ پھرا کرو کوئی شام گھر میں رہا کرو
وہ غزل کی سچی کتاب ہے اسے چپکے چپکے پڑھا کرو
احساس کی خوشبو کہاں آواز کے جگنو کہاں
خاموش یادوں کے سوا گھر میں رہا کچھ بھی نہیں
بدرؔ تمہاری فکر سخن پر اک علامہ ہنس کر بولے
وہ لڑکا نو عمر پرندہ اونچا اڑنا سیکھ رہا ہے
سسکتے آب میں کس کی صدا ہے
کوئی دریا کی تہہ میں رو رہا ہے
اداسی اور بڑھتی جا رہی تھی
وہ چہرہ بجھ رہا تھا یاد ہوگا

زہرا نگاہ

زمیں پر گر رہے تھے چاند تارے جلدی جلدی
اندھیرا گھر کی دیواروں سے اونچا ہو رہا تھا
چلے چلتے تھے رہرو ایک آواز اخی پر
جنوں تھا یا فسوں تھا کچھ تو تھا جو ہو رہا تھا

ضیا جالندھری

کھلا پڑا ہے سرِ راہ بے حس و حرکت
جو ہاتھ کل تک اٹھا چیختا رہا کہ میں ہوں

ظہیر کاشمیری

وہ بزم سے نکال کے کہتے ہیں اے ظہیرؔ
جاؤ مگر قریب رگِ جاں رہا کرو
حیات و ہجر کا خود میں نے انتخاب کیا
میں قید کب تھا جو میں قید سے رہا نہ ہوا

عالم تاب تشنہ

اسی ساحل پہ ڈوبوں گا جہاں سے
سمندر کا تماشا کر رہا ہوں
غنودہ ساعتوں کی شب سے تشنہؔ
طواف عارض و لب کر رہا ہوں

عبید اللہ علیم

ویران سرائے کا دیا ہے
جو کون و مکاں میں جل رہا ہے
گردش میں ہیں کتنی کائناتیں
بچہ مرا پاؤں چل رہا ہے

فارغ بخاری

مٹ بھی چکے نقشِ پا مگر دل
مہکی ہوئی چاپ سن رہا ہے
دیواریں کھڑی ہوئی ہیں لیکن
اندر سے مکان گر رہا ہے
دیکھا نہ پھر پلٹ کے کسی شہسوار نے
میں ہر صدا کا نقشِ قدم کھوجتا رہا
دو گھونٹ پلا دے کوئی مے ہو کہ ہلاہل
وہ تشنہ لبی ہے کہ بدن ٹوٹ رہا ہے
کس بام سے آتی ہے تری زلف کی خوشبو
دل یادوں کے زینے پہ کھڑا سوچ رہا ہے

ماجد صدیقی

تو پھول تھا، مہک تھا صدا کی ادا بھی تھا
میں پھر بھی تجھ سے تیرا پتہ پوچھتا رہا
تجھ کو جو بہ غور دیکھتا ہوں
میں خود ہی پہ رشک کر رہا ہوں
قسمت میں شرر لکھے ہیں ماجدؔ
انگارہ صفت دہک رہا ہوں

جوش ملیح آبادی

صیاد دام زلف سے مجھ کو رہا کرے
وہ دن تمام عمر نہ آئے خدا کرے

حسرت موہانی

آرزو تیری برقرار رہے
دل کا کیا ہے رہا رہا نہ رہا
میں گرفتارِ الفت صیاد
دام سے چھٹ کے بھی رہا نہ ہوا
تری فکر کا مبتلا ہو گیا دل
مگر قید غم سے رہا ہو گئے ہم

حفیظ جالندھری

دوستی کا چلن رہا ہی نہیں
اب زمانے کی وہ ہوا ہی نہیں

رسا چغتائی

خدا جانے مری گٹھری میں کیا ہے
نہ جانے کیوں اٹھائے پھر رہا ہوں
نہ آدم ہے نہ آدم زاد کوئی
کن آوازوں سے سر ٹکرا رہا ہوں
غم اندیشہ ہائے زندگی کیا
تپش سے آ گہی کی جل رہا ہوں
ابھی یہ بھی کہاں جانا کہ مرزاؔ
میں کیا ہوں کون ہوں کیا کر رہا ہوں
کیا آئے نظر کہ راستوں میں
صدیوں کا غبار اڑ رہا ہے
کانٹوں میں گلاب کھل رہے ہیں
ذہنوں میں الاؤ جل رہا ہے
رات کیا سوچ رہا تھا میں بھی
اپنے عالم کا خدا تھا میں بھی
پھول کھلنے کا عجب موسم تھا
آئنہ دیکھ رہا تھا میں بھی

خاطر غزنوی

وا چشمِ تماشا لب اظہار سلا ہے
کوئی پسِ دیوار مجھے دیکھ رہا ہے
مٹی تو مری مر بھی چکی زندہ صدا ہے
میں چپ ہوں مگر درد مرا بول رہا ہے
اشکوں کا ہجوم آج جسے ڈھونڈ رہا ہے
وہ درد کے دریا میں کہیں ڈوب گیا ہے

سیماب اکبر آبادی

محویت بے سبب نہیں سیمابؔ
روح پر کوئی چھا رہا ہے ہنوز

عزیز حامد مدنی

آنکھیں ترس گئیں تمہیں دیکھے ہوئے مگر
گھر قابل ضیافت مہماں رہا نہیں

اختر ہوشیارپوری

مجھے جو دیکھا تو کاغذ کو پرزے پرزے کیا
وہ اپنی شکل کے خاکے بنا رہا تھا بہت

احمد فراز

وہ اپنے زعم میں تھا بے خبر رہا مجھ سے
اسے گماں بھی نہیں میں نہیں رہا اس کا
اسے فرازؔ اگر دکھ نہ تھا بچھڑنے کا
تو کیوں وہ دور تلک دیکھتا رہا مجھ کو
جب فصلِ گل میں فکرِ رفو اہلِ دل کو تھی
اس رت میں بھی دریدہ جگر تو رہا کہ میں

امیر مینائی

آنے والا جانے والا، بے کسی میں کون تھا
ہاں مگر اک دم غریب، آتا رہا جاتا رہا
کھو گیا دل کھو گیا، رہتا تو کیا ہوتا امیر
جانے دو اک بے وفا جاتا رہا جاتا رہا
آنے والا، جانے والا، بیکسی میں کون تھا
ہاں مگر اک دم، غریب آتا رہا جاتا رہا
کھو گیا دل کھو گیا، رہتا تو کیا ہوتا، امیر
جانے دو اک بے وفا جاتا رہا جاتا رہا

شاذ تمکنت

میں کیا بتاؤں کہ قربت کا فاصلہ کیا ہے
کہ جیسے گھر تو بنائے کوئی رہا نہ کرے
کچھ عجب آن سے لوگوں میں رہا کرتے تھے
ہم خفا ہو کے بھی آپس میں ملا کرتے تھے
اس نے پوچھا تھا کئی بار مگر کیا کہتے
ہم مزاجاً ہی پریشان رہا کرتے تھے

فراق گورکھپوری

بہت دور اب ہے دل سے یاد تیری
محبت کا زمانہ آ رہا ہے
نہ جی خوش کر سکا تیرا کرم بھی
محبت کو بڑا دھوکا رہا ہے
جہاں ہے موجزن رنگینیِ حسن
وہیں دل کا کنول لہرا رہا ہے
گلابی ہوتی جاتی ہیں فضائیں
کوئی اس رنگ سے شرما رہا ہے
محبت تجھ سے تھی قبل از محبت
کچھ ایسا یاد مجھ کو آ رہا ہے
محبت میں فراقؔ اتنا نہ غم کر
زمانے میں یہی ہوتا رہا ہے
تم ہو جہاں کے شاید میں بھی وہاں رہا ہوں
کچھ تم بھی بھولتے ہو کچھ میں بھی بھولتا ہوں
مٹتا بھی جا رہا ہوں پورا بھی ہو رہا ہوں
میں کس کی آرزو ہوں میں کس کا مدعا ہوں
ہوں وہ شعاع فردا جو آنکھ مل رہی ہے
وہ سرمگیں افق پر میں تھرتھرا رہا ہوں

قیوم نظر

تیرا ہی رہے گا بول بالا
دل میرا عبث دھڑک رہا ہے
دیکھا تجھے تو آرزوؤں کا ہجوم تھا
پایا تجھے تو کچھ نہ تھا باقی رہا ہوا

محبوب خزاں

دن کو اتنے کام کس طرح کرے گا کون
رات بھر تو جاگتے رہا کریں گے ہم

محسن نقوی

اے دل تجھے دشمن کی بھی پہچان کہاں ہے
تو حلقۂ یاراں میں بھی محتاط رہا کر
مرے گھر کا دریچہ پوچھتا ہے
میں سارا دن کہاں پھرتا رہا ہوں
ستاروں سے حسد کی انتہا ہے
میں قبروں پر چراغاں کر رہا ہوں

ناصر کاظمی

تو جب میرے گھر آیا تھا
میں اک سپنا دیکھ رہا تھا
تیرے بالوں کی خوشبو سے
سارا آنگن مہک رہا تھا
تیری نیند بھی اڑی اڑی تھی
میں بھی کچھ کچھ جاگ رہا تھا
دو روحوں کا پیاسا بادل
گرج گرج کر برس رہا تھا
لال کھجوروں کی چھتری پر
سبز کبوتر بول رہا تھا
دور کے پیڑ کا جلتا سایہ
ہم دونوں کو دیکھ رہا تھا
شام کا شیشہ کانپ رہا تھا
پیڑوں پر سونا بکھرا تھا
پچھلے پہر کا سناٹا تھا
تارا تارا جاگ رہا تھا
پتھر کی دیوار سے لگ کر
آئینہ تجھے دیکھ رہا تھا
تیرے سائے کی لہروں کو
میرا سایا کاٹ رہا تھا
بھیگے کپڑے کی لہروں میں
کندن سونا دمک رہا تھا
تو جب دو بارہ آیا تھا
میں ترا رستہ دیکھ رہا تھا
پچھلی رات کی تیز ہوا میں
کورا کاغذ بول رہا تھا
تجھ کو جانے کی جلدی تھی
اور میں تجھ کو روک رہا تھا
ایک کے الٹے پیر تھے لیکن
وہ تیزی سے بھاگ رہا تھا
گہری گہری تیز آنکھوں سے
وہ پانی مجھے دیکھ رہا تھا
بارہ سکھیوںں کا اک جھرمٹ
سیج پہ چکر کاٹ رہا تھا
تیرے ہاتھ کی چائے تو پی تھی
دل کا رنج تو دل میں رہا تھا
وہ جنت مرے دل میں چھپی تھی
میں جسے باہر ڈھونڈ رہا تھا
میں ہوں رات کا ایک بجا ہے
خالی رستہ بول رہا ہے
ساری بستی سو گئی ناصر
تو اب تک کیوں جاگ رہا ہے
جہاں تنہائیاں سر پھوڑ کے سو جاتی ہیں
ان مکانوں میں عجب لوگ رہا کرتے تھے
پھر لہو بول رہا ہے دل میں
دم بدم کوئی صدا ہے دل میں