مرزا غالب

کہوں کس سے میں کہ کیا ہے ؟ شبِ غم بری بلا ہے
مجھے کیا برا تھا مرنا، اگر ایک بار ہوتا
جب کہ میں کرتا ہوں اپنا شکوۂِ ضعفِ دماغ
سر کرے ہے وہ حدیثِ زلفِ عنبر بارِ دوست
تب نازِ گراں مایگی اشک بجا ہے
جب لختِ جگر دیدۂِ خوں بار میں آوے
جی جلے ذوقِ فنا کی نا تمامی پر نہ کیوں
ہم نہیں جلتے نفس ہر چند آتش بار ہے
تپش سے میری ، وقفِ کش مکش ، ہر تارِ بستر ہے
مرا سر رنجِ بالیں ہے ، مرا تن بارِ بستر ہے
دل و دماغِ وفا پیشگاں کی خیر نہیں
جگر سے آہ شرر بار ہوتی آی ہے

امام بخش ناسخ

نہ روئے تا کوئی عاشق یہ حکم ہے اس کا
کہ شمع بھی مری محفل میں اشک بار نہ ہو
نشۂ مے کا گماں کرنے لگا وہ بدگماں
دیکھ کر سرخی ہمارے دیدۂِ خوں بار کی
غیر سے کھیلی ہے ہولی یار نے
ڈالے مجھ پر دیدۂِ خوں بار رنگ
کیا ہے گرگٹ آسماں کے سامنے
بدلے اک اک دم میں سو سو بار رنگ
موتی عوض نقشِ قدم گرتے ہیں ناسخؔ
ایسی ہے مری کلکِ گہر بار کی رفتار
کب کہا آتش فرقت سے جلایا تو نے
ہیں مرے نالۂ دل صاعقہ بار آپ سے آپ
گو تو ملتا نہیں پر دل کے تقاضے سے ہم
روز ہو آتے ہیں سو بار ترے کوچے میں
جو گوشِ گل نہ سنے باغ میں تو کیا چارہ
قفس سے نالۂِ بلبل ہزار بار آیا
وہ کرتا ہے باتیں میں کرتا ہوں آہیں
گہر بار وہ ہے شرر بار میں ہوں

انشاء اللہ خان انشا

کیجے لقائے باختر بے بقا کو قید
نجتک کے سر پہ گرز گراں بار توڑیے
کہیں ہیں صبر کس کو آہ ننگ و نام ہے کیا شے
غرض رو پیٹ کر ان سب کو ہم یک بار بیٹھے ہیں
نئی یہ وضع شرمانے کی سیکھی آج ہے تم نے
ہمارے پاس صاحب ورنہ یوں سو بار بیٹھے ہیں
ہر ایک ان سے شوخ ہے کیا خوب بات ہو
لگ جائیں تیرے ہاتھ جو یک بار چار پانچ

بہادر شاہ ظفر

نہ وبال تن پہ ہے سر مرا نہیں جان جانے کا ڈر ذرا
کٹے غم ہی، نکلے جو دم مرا مجھے اپنی زندگی بار ہے
انجم تاباں فلک پر جانتی ہے جس کو خلق
کچھ شرارے ہیں وہ میری آہ آتش بار کے

حیدر علی آتش

در یار آئے ٹھکانے لگے مٹی میری
دوش پر اپنے صبا بار لیے پھرتی ہے
کنگھی تری زلفوں کی ہمیں پر تھی مقرر
آئینہ دکھاتے تجھے ہر بار ہمیں تھے

داغ دہلوی

ہنسا ہنسا کے شبِ وصل اشک بار کیا
تسلیاں مجھے دے دے کے بے قرار کیا
یہ وہ دردِ دل نہیں ہے کہ ہو چارہ ساز کوئی
اگر ایک بار مٹتا تو ہزار بار ہوتا
پہلے پہل کی چاہ کا کیجے نہ امتحاں
آنا تو سیکھ لے ابھی دو چار بار دل
عاشق ہوئے وہ جیسے عدو پر یہ حال ہے
رکھ کہہ کے ہاتھ دیکھتے ہیں بار بار دل
تم آئینہ ہی نہ ہر بار دیکھتے جاؤ
مری طرف بھی تو سرکار دیکھتے جاؤ
دکھا رہی ہے تماشا فلک کی نیرنگی
نیا ہے شعبدہ ہر بار دیکھتے جاؤ

شیخ ابراہیم ذوق

جا کے اک بار نہ پھرنا تھا جہاں واں مجھ کو
بے قراری ہے کہ سو بار لیے پھرتی ہے

مصحفی غلام ہمدانی

بیٹھے بیٹھے جو ہم اے یار ہنسے اور روئے
آ گیا یاد تو اک بار ہنسے اور روئے
مصحفیؔ رات میں افسانۂِ دل کہتا تھا
سن کے ہمسائے کئی بار ہنسے اور روئے
مر جاؤں میں تو رونا میرا تمام ہووے
شاکی ہیں میری چشمِ خوں بار زندگی سے
اس رفتگی پہ مجھ سے کرتا ہے تو تغافل
ڈانٹے ہے تس پہ الٹا پھر بار بار مجھ کو
ترسا نہ مجھ کو کھینچ کے تلوار مار ڈال
گر مار ڈالنا ہے تو یک بار مار ڈال
لینے لگے جو چٹکی یک بار بیٹھے بیٹھے
یہ چھیڑ کیا نکالی اے یار بیٹھے بیٹھے

مصطفٰی خان شیفتہ

کوئے دشمن میں ہو گئے پامال
آمد و رفت بار بار میں ہم
کوئے دشمن میں ہو گئے پامال
آمد و رفت بار بار میں ہم
کب نگہ اس کی عشوہ بار نہیں
کب نگاہیں کرشمہ زار نہیں
کھلنے لگے ہیں از سرِ نو غنچہائے زخم
یہ فیض ہے صبا کے دمِ مشک بار کا
شرم اے نالۂ دل خانۂِ اغیار میں بھی
جوش افغان عزا بار کی افواہیں ہیں

مومن خان مومن

مجھ سے جنت میں وہ صنم نہ ملا
حشر اور ایک بار ہونا تھا
مجھے تو کہتے ہو مت دیکھ میری جانب تو
اور آپ دیکھتے ہو بار بار آئینہ
روتے تو رحم آتا سو اس کے روبرو تو
اک قطرہِ خوں بھی چشمِ خوں بار تک نہ پہنچا

فیض احمد فیض

یوں بہار آئی ہے امسال کہ گلشن میں صبا
پوچھتی ہے گزر اس بار کروں یا نہ کروں
تم آئے ہو، نہ شبِ انتظار گزری ہے
تلاش میں ہے سحر، بار بار گزری ہے
ضیائے بزمِ جہاں بار بار ماند ہوئی
حدیثِ شعلہ رخاں بار بار کرتے رہے

مرزا رفیع سودا

بے وجہ نئیں ہے آئنہ ہر بار دیکھنا
کوئی دم کو پھولتا ہے یہ گل زار دیکھنا
ہے نقص جان دید ترا پر یہی ہے دھن
جی جاؤ یار ہو مجھے یک بار دیکھنا
یا جا کے اس گلی میں جہاں تھا ترا گزر
لے صبح تا بہ شام کئی بار دیکھنا
کرتا ہوں تیرے ظلم سے ہر بار الغیاث
یک بار تیرے دل میں نہیں کار الغیاث
ہر آن آ مجھی کو ستاتے ہو ناصحو
سمجھا کے تم اسے بھی تو یک بار کچھ کہو

یگانہ چنگیزی

اسیرِ دام نہ ہونا ذرا سنبھل اے دل
خیال گیسوئے پر خم گلے کا بار نہ ہو
نیرنگِ حسن و عشق کی وہ آخری بہار
تربت تھی میری اور کوئی اشک بار تھا
زمانہ اس کے سوا اور کیا وفا کرتا
چمن اجڑ گیا کانٹے گلے کا بار رہے

باقی صدیقی

کبھی حرم پہ کبھی بتکدے پہ بار ہوا
کہیں کہاں ترا دیوانہ شرمسار ہوا
فسانہ خواں کوئی دنیا میں مل گیا جس کو
اسی کی ذکر فسانوں میں بار بار ہوا
زندگی اتنی گراں بار نہیں
ہم ابھی مرنے کو تیار نہیں
خیال تیری طرف ہو تو غم بھی بار نہیں
یہ کیا گلہ ہے کہ ماحول سازگار نہیں
وقت الٹ دے نہ بساط ہستی
چال ہم چلتے ہیں ہر بار غلط
آنچ آتی ہے صبا سے باقیؔ
کیا کوئی گل ہے شرر بار ابھی

جون ایلیا

دھوپ اٹھاتا ہوں کہ اب سر پہ کوئی بار نہیں
بیچ دیوار ہے اور سایۂ دیوار نہیں
شرم ہے اپنی بار باری کی
بے سبب بار بار تھے ہم تو
خوش نہ آیا ہمیں جیے جانا
لمحے لمحے پہ بار تھے ہم تو
میں جو بیٹھا ہوں تو وہ خوش قامت
دیکھ لو بار بار اٹھتا ہے
تو نے پھر کسب زر کا ذکر کیا
کہیں ہم سے یہ بار اٹھتا ہے
اف مرا آج میکدے آنا
یوں تو میں کتنی بار آیا ہوں
جوں ہی مڑ کر دیکھا میں نے بیچ اٹھی تھی اک دیوار
بس یوں سمجھو میرے اوپر بجلی سی اک بار گری
ہے مشام شوق محروم شمیم
زلفِ عنبر بار کی باتیں کریں

جگر مراد آبادی

یہی ہے زندگی تو زندگی سے خودکشی اچھی
کہ انساں عالمِ انسانیت پر بار ہو جائے
میں اور یہ نمکین غمِ عشق ارے توبہ
تو اور یہ احساس گراں بار محبت!

خواجہ میر درد

اوروں سے تو گرانی یک لخت اٹھ گئی ہے
اے دردؔ اپنے دل کے گر بار ہیں تو ہم ہیں

عبدالحمید عدم

بیٹھی ہے تہمتوں میں وفا یوں گھری ہوئی
جیسے کسی حسین کی گردن میں بار ہو
زندگی شرکتوں سے چلتی ہے
کس سے تنہا یہ بار اٹھتا ہے
آج کی رات خیر سے گزرے
دردِ دل بار بار اٹھتا ہے
آؤ کچھ زندگی کے ناز سہیں
کس سے تنہا یہ بار اٹھتا ہے

قمر جلالوی

شاید چمن میں فصلِ بہاری قریب ہے
گرتے ہیں بازوؤں سے مرے بار بار پر

عرفان صدیقی

ایسا لگتا ہے کہ سینے میں اٹھی ہے کوئی
آج اسی لہر میں پھینک آتا ہوں بار دنیا
چار دیوارِ عناصر کی حقیقت کتنی
یہ بھی گھر ڈوب گیا دیدۂ خوں بار پہ خاک
ایک قطرہ بھی مرے کوزۂ خالی میں نہیں
ہر طرف ابرِ گہر بار ہے میں کیا جانوں
وہی نوحہ بیتی باتوں کا، وہی نغمہ آتی راتوں کا
جب کوچ کریں ہر بار سنیں، جب خیمہ لگے ہر بار لکھیں
جیسے کاغذ پہ کوئی اسم مرادوں والا
میں بگڑ جاؤں وہ ہر بار بنادے مجھ کو
میں بہر حال اسی حلقۂ زنجیر میں ہوں
یوں تو آزاد کئی بار کیا ہے اس نے
اندیشۂ جاں خیمے کی دیوار تلک ہے
کچھ بھی نہیں ہو گا اگر اک بار نکل آئے

مصطفی زیدی

پچھلی فصل میں جتنے بھی اہلِ جنوں تھے کام آئے
کون سجائے گا تیری مشق کا ساماں اب کی بار؟

الطاف حسین حالی

نہیں جز گریۂ غم حاصلِ عشق
ہماری چشم دریا بار سے پوچھ

احسان دانش

ارباب وطن خوش ہیں ہمیں دل سے بھلا کر
جیسے نگہ و دل پہ بس اک بار ہمیں تھے
نہ پوچھو پچھلے پہر اپنی یاد کا عالم
تمہارا ذکر ستاروں سے بار بار کیا

اختر شیرانی

ستارہ وار وہ پہلو میں آ گئے شب کو
سحر سے کہہ دو کہ محفل میں آج بار نہیں
شبِ بہار میں تاروں سے کھیلنے والے
کسی کی آنکھ بھی شب بھر ستارہ بار رہی
ترے خیال کی بے تابیاں معاذ اللہ
کہ ایک بار بھلائیں تو لاکھ بار آئے

ادا جعفری

اگر سچ اتنا ظالم ہے تو ہم سے جھوٹ ہی بولو
ہمیں آتا ہے پت جھڑ کے دنوں گل بار ہو جانا
لبوں پہ حرفِ شکایت بھی آ کے ٹوٹ گیا
وہ خود فگار تھے جو ہاتھ سنگ بار ملے
ادھر فصیل شبِ غم ادھر ہے شہر پناہ
صبا سے کہیو وہیں آ کے ایک بار ملے

اکبر معصوم

یہ ساری دھول مری ہے یہ سب غبار مرا
گزر ہے تیرے خرابے سے بار بار مرا
خزاں تو کیا نہیں جس کی بہار کو بھی خبر
اک ایسے باغ کے اندر ہے برگ و بار مرا

آنس معین

یہ اور بات کہ رنگ بہار کم ہوگا
نئی رتوں میں درختوں کا بار کم ہوگا

بہزاد لکھنوی

آہیں بھی بار بار بھریں ان کے ہجر میں
نالہ بھی بار بار کیا ہائے کیا کیا

بیان میرٹھی

فلک نے ابر مرے سینہ کا بخار کیا
مجھے مجھی پہ ستم گر نے اشک بار کیا

بیخود بدایونی

چلی چلی مژۂ اشک بار آنکھ مری
جلا جلا نفس شعلہ بار دل میرا

زہرا نگاہ

عالم کی گفتگو سے بھی آتی ہے بوئے خوں
سودا نے اپنے شعروں میں لکھا ہے بار بار

عبید اللہ علیم

مرے بچوں کو اللہ رکھے ان تازہ ہوا کے جھونکوں نے
میں خشک پیڑ خزاں کا تھا مجھے کیسا برگ و بار دیا

علی سردار جعفری

جنبشِ ابرو و مژگاں کے خنک سائے میں
آتش افروز جنوں خیز شرر بار آنکھیں