مرزا غالب

کب سے ہوں، کیا بتاؤں جہانِ خراب میں
شب ہائے ہجر کو بھی رکھوں گر حساب میں
جادادِ بادہ نوشی رنداں ہے شش جہت
غافل گماں کرے ہے کہ گیتی خراب ہے

امام بخش ناسخ

کب سے ناسخؔ یہ جستجو ہے مجھے
آج وہ خانماں خراب ملا

انشاء اللہ خان انشا

کدھر آؤں جاؤں کروں سو کیا مرا جی ہی ناک میں آ گیا
نہ تو عرضِ حال کی تاب ہے نہ تو صبر خانہ خراب ہے
کھڑے چپ ہو دیکھتے کیا مرے دل اجڑ گئے کو
وہ گنہ تو کہہ دو جس سے یہ دہ خراب الٹا

بہادر شاہ ظفر

گلی گلی تری خاطر پھرا بچشم پر آب
لگا کے تجھ سے دل اپنا بہت خراب ہوا
ہو نہ بیتاب اتنا گر اس کا عتاب آ جائے گا
تو غضب میں اے دلِ خانہ خراب آ جائے گا

داغ دہلوی

یہ دل تو اے عشق گھر ہے تیرا، جس کو تو نے بگاڑ ڈالا
مکاں سے تالا دیکھا، تجھی کو خانہ خراب دیکھا
جو تجھ کو پایا تو کچھ نہ پایا، یہ خاکداں ہم نے خاک پایا
جو تجھ کو دیکھا تو کچھ نہ دیکھا، تمام عالم خراب دیکھا
یہ جا کر پوچھ آ تو ان سے درباں
کہ وہ خانہ خراب آئے نہ آئے

شیخ ابراہیم ذوق

پھر مجھے لے چلا ادھر دیکھو
دلِ خانہ خراب کی باتیں

مصحفی غلام ہمدانی

اس مے کدۂِ جہاں میں یارو
مجھ سا بھی کوئی خراب کیا ہے
یہ الٹ گئی ہے قسمت کہ جو دل کسی کو دوں میں
وہ مرے ہی سر سے مارے اسے کر خراب الٹا
آبادی ہے اس کی مصحفیؔ کم
عالم کے تئیں خراب دیکھا
ہم سمجھے تھے جس کو مصحفیؔ یار
وہ خانہ خراب کچھ نہ نکلا

مومن خان مومن

رہتے ہیں جمع کوچۂِ جاناں میں خاص و عام
آباد ایک گھر ہے جہانِ خراب میں

میر مہدی مجروح

ہوتی گر اس جہاں میں کچھ خوبی
کہتے کیوں پھر صفت میں اس کی خراب

فیض احمد فیض

جل اٹھے بزمِ غیر کے دروبام
جب بھی ہم خانماں خراب آئے

مرزا رفیع سودا

کچھ میں ہی نہیں ہوں، ایک عالم
اس کے لیے یاں خراب دیکھا

میر انیس

انہیں کو دار بقا کی ہے پختگی کا خیال
جو بے ثباتی دہر خراب سمجھے ہیں

جون ایلیا

کیا یہ آفت نہیں عذاب نہیں
دل کی حالت بہت خراب نہیں
آئے گا وہ نخوتی سو میں بھی
کمرے کو خراب رکھ رہا ہوں
انقلاب ایک خواب ہے سو ہے
دل کی دنیا خراب ہے سو ہے
شہر میں ہم خراب حالوں نے
حال اپنے خراب بیچے ہیں
دوستو ہم نے اپنا حال اسے
جب بھی لکھا خراب ہی لکھا

جگر مراد آبادی

تیری آنکھوں کا کچھ قصور نہیں
ہاں مجھی کو خراب ہونا تھا
کوچۂ عشق میں نکل آیا
جس کو خانہ خراب ہونا تھا
نگۂ یار خود تڑپ اٹھتی
شرطِ اول خراب ہونا تھا
ہو چکا روز اولیں ہی جگرؔ
جس کو جتنا خراب ہونا تھا
تیری عنایتیں کہ نہیں نذر جاں قبول
تیری نوازشیں کہ زمانہ خراب ہے
اس سے دلِ تباہ کی روداد کیا کہوں
جو یہ نہ سن سکے کہ زمانہ خراب ہے
گرچہ اہل شراب ہیں ہم لوگ
یہ نہ سمجھو خراب ہیں ہم لوگ
ناز کرتی ہے خانہ ویرانی
ایسے خانہ خراب ہیں ہم لوگ
جانتا بھی ہے اس کو تو واعظ
جس کے مست و خراب ہیں ہم لوگ
اس کی نظروں میں انتخاب ہوا
دل عجب حسن سے خراب ہوا
نہ رکھو غرض ہم سے اتنا ہی کہہ دو
ہلاک تبسم خرابِ محبت

سراج الدین ظفر

آتی ہے کوئے دار و رسن سے صدا ہنوز
آئے ادھر جو ہے کوئی خانہ خراب اور
دنیائے عشق دیر نہیں ہے حرم نہیں
یہ سرزمیں ورائے جہانِ خراب ہے

عبدالحمید عدم

مسکرا کر خطاب کرتے ہو
عادتیں کیوں خراب کرتے ہو

قمر جلالوی

قفس کے سے چھوٹ کے آئے تو خاک تک نہ ملی
چمن اور نشیمن خراب کیا ہوتا

عرفان صدیقی

سجے سجائے صحفیے خراب کرتے ہیں
یہ کون ہیں جو لہو کو کتاب کرتے ہیں

احسان دانش

اگرچہ ناز کش ساغرِ شراب نہ تھا
خمار خانے میں مجھ سا کوئی خراب نہ تھا
دل خراب کا احسانؔ اب خدا حافظ
خراب تھا مگر ایسا کبھی خراب نہ تھا
جو لے کے ان کی تمنا کے خواب نکلے گا
بہ عجز شوق بہ حالِ خراب نکلے گا
لباس ماہ میں احسانؔ دیکھ کون آیا
نگاہ سوئے فلک خانماں خراب اٹھا

اختر شیرانی

چمن میں بلبلیں اور انجمن میں پروانے
جہاں میں کون غمِ عشق سے خراب نہیں
غمِ زمانہ نہیں اک عذاب ہے ساقی
شراب لا مری حالت خراب ہے ساقی
کلام جس کا ہے معراج حافظؔ و خیامؔ
یہی وہ اخترؔ خانہ خراب ہے ساقی
ہے خسرو عشق کا یہ فرماں کہ دل لگانا نہیں ہے آساں
جسے ہو کوئے بتاں کا ارماں وہ کو بہ کو ہو خراب پہلے
نگاہ ساقی کی مسکرائی کہا جب اخترؔ نے اپنی دھن میں
پییں گے پیتے رہیں گے میکش مگر یہ خانہ خراب پہلے
نہ چھیڑ زاہد ناداں شراب پینے دے
شراب پینے دے خانہ خراب پینے دے
شراب خانے میں یہ شور کیوں مچایا ہے
خموش اخترؔ خانہ خراب پینے دے

اسرار الحق مجاز

کچھ تمہاری نگاہ کافر تھی
کچھ مجھے بھی خراب ہونا تھا
روئیں نہ ابھی اہلِ نظر حال پہ میرے
ہونا ہے ابھی مجھ کو خراب اور زیادہ
ٹپکے گا لہو اور مرے دیدۂ تر سے
دھڑکے گا دل خانۂ خراب اور زیادہ
سب ہی ہیں مے کدۂ دہر میں خرد والے
کوئی خراب نہیں ہے کوئی خراب نہیں

ظہیر کاشمیری

مرنا عذاب تھا کبھی جینا عذاب تھا
میرا مشیر عشق سا خانہ خراب تھا

جلیل مانک پوری

ادا ادا تری موجِ شراب ہو کے رہی
نگاہِ مست سے دنیا خراب ہو کے رہی
تری گلی کی ہوا دل کو راس کیا آتی
ہوا یہ حال کہ مٹی خراب ہو کے رہی

جوش ملیح آبادی

صورت پرست میری نگاہوں نے اصل میں
دل کیا مرے وجود کی مٹی خراب کی

حسرت موہانی

ان کو رسوا مجھے خراب نہ کر
اے دل اتنا بھی اضطراب نہ کر
دیدنی ہیں دل خراب کے رنگ
آہ اس چشم پرحجاب کے رنگ
دل کے ہاتھوں بہت رہے ہیں خراب
حسرتؔ خانماں خراب کے رنگ

حفیظ جالندھری

حفیظؔ سب سے بڑی خرابی ہے عشق میں لطف کامیابی
کسی کی دنیا تباہ کر دے کسی کی عقبیٰ خراب کر دے

رسا چغتائی

آج دل کی بیاض میں لکھ کر
لفظ خانہ خراب بھی دیکھوں

شکیل بدایونی

شکیلؔ اس درجہ مایوسی شروع عشق میں کیسی
ابھی تو اور ہونا ہے خراب آہستہ آہستہ
اک تجلی سے منور کیجیے قصر حیات
ہر تجلی پر دلِ خانہ خراب آیا تو کیا
شکوۂ اضطراب کون کرے
اپنی دنیا خراب کون کرے
تکمیل شباب چاہتا ہوں
ہو جاؤں خراب چاہتا ہوں

فانی بدایونی

کس خرابی سے زندگی فانیؔ
اس جہانِ خراب میں گزری

احمد فراز

فراز سنگِ ملامت سے زخم زخم سہی
ہمیں عزیز ہے خانہ خراب جیسا ہے

امیر مینائی

وہ کون تھا جو خرابات میں خراب نہ تھا
ہم آج پیر ہوئے کیا کبھی شباب نہ تھا
وہ کہتے ہیں شبِ وعدہ میں کس کے پاس آنا
تجھے تو ہوش ہی اے خانماں خراب نہ تھا
یہ بار بار جو کرتا تھا ذکرِ مے واعظ
پئے ہوئے تو کہیں خانماں خراب نہ تھا

شاذ تمکنت

مجھے تو سیر جہاں سیر بازگشت ہوئی
ترا جہاں دلِ خانہ خراب جیسا تھا

فراق گورکھپوری

زمین اس کی فلک اس کا کائنات اس کی
کچھ ایسا عشق ترا خانماں خراب نہیں
دکھا تو دیتی ہے بہتر حیات کے سپنے
خراب ہو کے بھی یہ زندگی خراب نہیں
پناہ مانگ رہی ہے ہری بھری دنیا
نہ پوچھ آہ دل خانماں خراب کی آنچ

قتیل شفائی

تمام تر اسی خانہ خراب جیسا ہے
مرے لہو کا نشہ بھی شراب جیسا ہے

محسن نقوی

برفیلی رت کی تیز ہوا کیوں جھیل میں کنکر پھینک گئی
اک آنکھ کی نیند حرام ہوئی اک چاند کا عکس خراب ہوا

ناصر کاظمی

خوش وقتیوں میں تم جنہیں بھولے ہوئے ہو آج
وہ یاد آئیں گے تمھیں حالِ خراب میں