مرزا غالب

تاکہ تجھ پر کھلے اعجاز ہوائے صیقل
دیکھ برسات میں سبز آئنے کا ہو جانا
رشک کہتا ہے کہ اس کا غیر سے اخلاص حیف!
عقل کہتی ہے کہ وہ بے مہر کس کا آشنا
میں اور ایک آفت کا ٹکڑا وہ دلِ وحشی، کہ ہے
عافیت کا دشمن اور آوارگی کا آشنا
مجھ کو ارزانی رہے ، تجھ کو مبارک ہو جیو
نالۂِ بلبل کا درد اور خندۂِ گل کا نمک
موت آتی نہیں کہیں غالب
کب تک افسوس زیست کا کیجے
نفرت کا گماں گزرے ہے ، میں رشک سے گزرا
کیونکر کہوں، لو نام نہ ان کا مرے آگے
خزاں کیا فصلِ گل کہتے ہیں کس کو؟ کوئی موسم ہو
وہی ہم ہیں، قفس ہے ، اور ماتم بال و پر کا ہے
بتائیں ہم تمہارے عارض و کاکل کو کیا سمجھے
اسے ہم سانپ سمجھے اور اسے من سانپ کا سمجھے

بہادر شاہ ظفر

یہی تنگ حال جو سب کا ہے یہ کرشمہ قدرت رب کا ہے
جو بہار تھی سو خزاں ہوئی جو خزاں تھی اب وہ بہار ہے
شمع نے جل کر جلایا بزم میں پروانے کو
بن جلے اپنے جلانا کیا کسی کا سہل ہے

داغ دہلوی

شبِ تیرہ میں شمعِ روشن کو
نورِ خورشید کا دیا تو نے
یہ قول کسی کا ہے کہ میں کچھ نہیں‌ کہتا
وہ کچھ نہیں کہتا ہے کہ میں کچھ نہیں‌ کہتا

شیخ ابراہیم ذوق

لیتے ہی دل جو عاشق دل سوز کا چلے
تم آگ لینے آئے تھے کیا آئے کیا چلے
ہم لطف سیر باغ جہاں خاک اڑا چلے
شوق وصال دل میں لیے یار کا چلے
وصف چشم و وصف لب اس یار کا کہنے کو ہیں
آج ہم درس اشارات و شفا کہنے کو ہیں
زہے نصیب کہ ہنگام مشق تیرِ ستم
ہمارے ڈھیر کو تم تو وہ خاک کا سمجھو

مصحفی غلام ہمدانی

کسی نے یہ فسوں کچھ پڑھ کے اس کافر پہ مارا ہے
کہ ان روزوں وہ پانی بھی مرے گھر کا نہیں پیتا

مصطفٰی خان شیفتہ

دوستی کرتے ہیں ارباب غرض ہر ایک سے
میرے عاشق ہیں عدو اب ربط اس کا دیکھ کر
ان کو محبت ہی میں شک پڑ گیا
ڈر سے جو شکوہ نہ عدو کا کیا
ان کی نگاہِ ناز عجب تازیانہ تھی
مقدور پھر ادھر نظرِ شوق کا نہ تھا

مومن خان مومن

مرگ نے ہجراں میں چھپایا ہے منہ
لو منہ اسی پردہ نشیں کا کیا
اس نے کیا جانے کیا کیا لے کر
دل کسی کام کا نہیں ہوتا
کیوں لگے دینے خط آزادی
کچھ گنہ بھی غلام کا صاحب
غیر ہے بے وفا پہ تم تو کہو
ہے ارادہ نباہ کا کب تک
ڈر تو مجھے کس کا ہے کہ میں کچھ نہیں کہتا
پر حال یہ افشا ہے کہ میں کچھ نہیں کہتا
ناصح کو جو چاہوں تو ابھی ٹھیک بنا دوں
پر خوفِ خدا کا ہے کہ میں کچھ نہیں کہتا
بہت نازاں ہے تو اے قیس پر وحشت دکھاؤں گا
کتابوں میں کبھو قصہ جو مومنؔ کا نکل آیا
وہ جو ہم میں تم میں قرار تھا تمہیں یاد ہو کہ نہ یاد ہو
وہی یعنی وعدہ نباہ کا تمہیں یاد ہو کہ نہ یاد ہو

یگانہ چنگیزی

وہ دن گئے کہ دل کو ہوس تھی گناہ کی
یادش بخیر ذکر اب اس کا نہ کیجیے

باقی صدیقی

زندگی بھر کوئی پتہ نہ چلا
دور گردوں کا، آپ کا، دل کا
سیر گلشن نے کیا آوارہ
لگ گیا روگ صبا کا ہم کو
فصلِ گل آئی مگر کیا آئی
رنگ بھولا نہ خزاں کا ہم کو
شاخ جب کوئی چمن میں ٹوٹے
اسے انداز صبا کا کہیے
غمِ ہستی کا روگ کیا معنی
چل کے نغمہ بہار کا سنتے
گاؤں جا کر کرو گے کیا باقیؔ
شور کچھ دیر شہر کا سنتے
سفر گل کا پتا تھا پہلے
یہی رستہ تھا صبا کا پہلے
اپنے غم کے ساتھ باقیؔ چل دیے
ہے سفر شام و سحر کا سامنے

جون ایلیا

کیا تم کو اس حال میں بھی
میں دنیا کا لگتا ہوں
ہر نفس تم یقین منعم سے
رزق اپنے گمان کا مانگو

جگر مراد آبادی

عشق جب تک نہ کر چکے رسوا
آدمی کام کا نہیں ہوتا

قمر جلالوی

گناہ گاروں کا مجمع سب سے آگے ہو گا اے واعظ
تجھے دیدار بھی پہلے خدا کا ہو نہیں سکتا
انہیں پر منحصر کیا آزما بیٹھے زمانے کو
قمر سچ تو یہ ہے کوئی کسی کا ہو نہیں سکتا

عرفان صدیقی

سیاہ نیزوں پہ سورج ابھرتے جاتے ہیں
سوادِ شام ہے منظر طلوع کا کیسا
صدیوں سے چاکر در حیدر ہوں دیکھ لو
گردن میں میری طوق ہے ان کا پڑا ہوا

مجید امجد

اک وہ کہ جن کی فکر ہے ارض و سما شکار
اک تو کہ ہے طلسمِ شب و روز کا شکار
ظلِ ہما کی اوٹ میں چلے پہ تیر رکھ
آساں نہیں نگاہ کے نخچیر کا شکار
میری مانند خودنگر، تنہا
یہ صراحی میں پھول نرگس کا
پھول مرجھا نہ جائیں بجروں میں
مانجھیو! کوئی گیت ساحل کا
عمر جلتی ہے ، بخت جلووں کے
زیست مٹتی ہے ، بھاگ مٹی کا
عریاں، زمانہ گیر، شررگوں جبلتیں
کچھ تھا تو ایک برگِ دل ان کا لباس تھا
یادوں کے دھندلے دیس! کھلی چاندنی میں رات
تیرا سکوت کس کی صدا کا لباس تھا؟
انھی حدوں تک ابھرتی یہ لہر جس میں ہوں میں
اگر میں سب یہ سمندر بھی وقت کا رکھتا
نئی صبحوں کی سیر کا یہ خیال
اپنے طغیان کی سزا یہ خیال
اتنے رنگوں میں یہ گلاب کے پھول
اتنے رنگوں میں موت کا یہ خیال
ابر ہیں امجد اور یہ جنتِ برگ
دیکھ سمتوں کو ربط کا یہ خیال