مرزا غالب

یہ نہ تھی ہماری قسمت کہ وصالِ یار ہوتا
اگر اور جیتے رہتے ، یہی انتظار ہوتا
ایک ایک قطرے کا مجھے دینا پڑا حساب
خونِ جگر ودیعتِ مژگانِ یار تھا
کیوں جل گیا نہ، تابِ رخِ یار دیکھ کر
جلتا ہوں اپنی طاقتِ دیدار دیکھ کر
گنجائشِ عداوتِ اغیار اک طرف
یاں دل میں ضعف سے ہوسِ یار بھی نہیں
جس جا نسیم شانہ کش زلفِ یار ہے
نافہ دماغ آہوئے دشتِ تتار ہے
وفا جفا کی طلب گار ہوتی آی ہے
ازل کے دن سے یہ اے یار ہوتی آی ہے

امام بخش ناسخ

مزہ وصال کا کیا گر فراقِ یار نہ ہو
نہیں ہے نشے کی کچھ قدر اگر خمار نہ ہو
نہ آئے کنجِ لحد میں بھی مجھ کو خوابِ عدم
اگر سرہانے کوئی خشت کوئے یار نہ ہو
اب کی ہولی میں رہا بے کار رنگ
اور ہی لایا فراقِ یار رنگ
ہونٹ اودے سبز خط آنکھیں سیاہ
چہرے کا سرخ و سفید اے یار رنگ
ہو گیا کیوں زرد ناسخؔ کیا کہوں
ہے زمانے کا عجب اے یار رنگ
آنکھیں خوش چشموں کی تجھ پر ہوئیں اے یار سفید
جس طرح ضعف سے ہو چہرۂِ ِ بیمار سفید
شمع کافور سے تشبیہ بھلا دوں کیوں کر
ہے برنگ مہِ تاباں بدن یار سفید
کرتی ہے مجھے قتل مرے یار کی رفتار
تلوار کی تلوار ہے رفتار کی رفتار
کج ایسی نہ تھی آگے مرے یار کی رفتار
سیکھا ہے مگر چرخِ ستم گار کی رفتار
مجھ سے اب صاف بھی ہو جا یوں ہی یار آپ سے آپ
جس طرح ہے تری خاطر میں غبار آپ سے آپ
پاسبانوں کی طرح راتوں کو بے تابی سے
نالے کرتے ہیں ہم اے یار ترے کوچے میں
دگرگوں ہے ہر آن وضع محبت
کبھی غیر میں ہوں کبھی یار میں ہوں

انشاء اللہ خان انشا

جی چاہتا ہے لے کے بلائیں تمہاری آج
پوریں ان انگلیوں کو سب اے یار توڑیے
کمر باندھے ہوئے چلنے کو یاں سب یار بیٹھے ہیں
بہت آگے گئے باقی جو ہیں تیار بیٹھے ہیں

بہادر شاہ ظفر

کتنا ہے بد نصیب ظفرؔ دفن کے لیے
دو گز زمین بھی نہ ملی کوئے یار میں
خال عارض دیکھ لو حلقے میں زلفِ یار کے
مار مہرہ گر نہ دیکھا ہو دہن میں مار کے
ہم نے تری خاطر سے دلِ زار بھی چھوڑا
تو بھی نہ ہوا یار اور اک یار بھی چھوڑا

حیدر علی آتش

زلف کے حلقہ میں الجھا سبزہ گوش یار کا
ہو گیا سنگ زمرد خال چشم مار کا
ناخدا ہے موت جو دم ہے سو ہے بادِ مراد
عزم ہے کشتی تن کو بحرِ ہستی یار کا
زندگی میں بے ادب ہونے نہ دے تو رعب حسن
خاک ہے میری پس از مرگ اور دامن یار کا
نا فہمی اپنی پردہ ہے دیدار کے لیے
ورنہ کوئی نقاب نہیں یار کے لیے
سیری نہ ہو گی تشنۂِ دیدار کے لیے
پانی نہیں چہ ذقن یار کے لیے
اتنی ہی ہے نمود میری یار کے لیے
شہرہ ہے جس قدر مرے اشعار کے لیے
احساں جو ابتدا سے ہے آتش وہی ہے آج
کچھ انتہا نہیں کرم یار کے لیے
طرہ اسے جو حسنِ دل آزار نے کیا
اندھیر گیسوئے سیہ یار نے کیا
ناز و ادا کو ترک مرے یار نے کیا
غمزہ نیا یہ ترک ستم گار نے کیا
رنج لکھا ہے نصیبوں میں مرے راحت سے
خواب میں بھی ہوسِ یار لیے پھرتی ہے
اٹھ گئے وصل کی شب پیشتر از یار قدم
آگے ہم عمرِ رواں سے بھی چلے چار قدم
خواہاں ترے ہر رنگ میں اے یار ہمیں تھے
یوسف تھا اگر تو تو خریدار ہمیں تھے
تو اور ہم اے دوست تھے یک جان دو قالب
تھا غیر سوا اپنے جو تھا یار ہمیں تھے

داغ دہلوی

یہ مزا ہے دشمنی میں، نہ ہے لطف دوستی میں
کوئی غیر غیر ہوتا، کوئی یار یار ہوتا
عجب اپنا حال ہوتا، جو وصالِ یار ہوتا
کبھی جان صدقے ہوتی، کبھی دل نثار ہوتا
ہر بار مانگتی ہیں نیا چشمِ یار دل
اک دل کے کس طرح سے بناؤں ہزار دل
ہوتی ہیں ہر طرح سے مری پاسداریاں
دشمن کے پاس بھی وہ مرا یار ہی رہا
کس نے کہا کہ داغ وفا دار مر گیا
وہ ہاتھ مل کے کہتے ہیں کیا یار مر گیا
ہاتھ ہم سے ملاؤ اے موسیٰ
عاشق روئے یار ہم بھی ہیں
تم اگر اپنی گوں کے ہو معشوق
اپنے مطلب کے یار ہم بھی ہیں
آئی مے خانے سے یہ کس کی صدا
لاؤ یاروں کے یار ہم بھی ہیں
غیر کا حال پوچھئے ہم سے
اس کے جلسے کے یار ہم بھی ہیں

شیخ ابراہیم ذوق

میں جو شہید ہوں لب خندان یار کا
کیا کیا چراغ ہنستا ہے میرے مزار کا
ہو رازِ دل نہ یار سے پوشیدہ یار کا
پردہ نہ درمیاں ہو جو دل کے غبار کا

مصحفی غلام ہمدانی

بیٹھے بیٹھے جو ہم اے یار ہنسے اور روئے
آ گیا یاد تو اک بار ہنسے اور روئے
برق رخسارِ یار پھر چمکی
اس چمن کی بہار پھر چمکی
مصحفیؔ کی جو تو نے در ریزی
شاعری تیری یار پھر چمکی
ازبسکہ جی ہے تجھ بن بیزار زندگی سے
بہتر ہے مجھ کو مرنا اے یار زندگی سے
از بس بھلا لگے ہے تو میرے یار مجھ کو
بے اختیار تجھ پر آتا ہے پیار مجھ کو
میں کیوں کر نہ رکھوں عزیز اپنے دل کو
کہیں دل سا بھی یار پیدا ہوا ہے
گر اور بھی مری تربت پہ یار ٹھہرے گا
تو زیر خاک نہ یہ بے قرار ٹھہرے گا
مکھ پھاٹ منہ پہ کھائیں گے تلوار ہو سو ہو
دبنے کے بھی تو اس سے نہیں یار ہو سو ہو
جانا مجھے بھی اب طرف یار ہو سو ہو
یا بولے یا بتائے وہ دھتکار ہو سو ہو
ایک بوسہ بھی دے نہیں سکتا
مجھ کو پیارے تو یار کیسا ہے
حالِ دل بے قرار ہے اور
شاید کہ خیالِ یار ہے اور
دل سینے میں بیتاب ہے دل دار کدھر ہے
کوئی مجھ کو بتا دو وہ مرا یار کدھر ہے
طالبِ علم محبت جو میں تھا طفلی میں
تھی نت آنکھوں کی مرے حسن رخِ یار سے بحث
کھڑا نہ سن کے صدا میری ایک یار رہا
میں رہروان عدم کو بہت پکار رہا
لینے لگے جو چٹکی یک بار بیٹھے بیٹھے
یہ چھیڑ کیا نکالی اے یار بیٹھے بیٹھے

مصطفٰی خان شیفتہ

روز خوں ہوتے ہیں دو چار ترے کوچے میں
ایک ہنگامہ ہے اے یار ترے کوچے میں
سرفروش آتے ہیں اے یار ترے کوچے میں
گرم ہے موت کا بازار ترے کوچے میں
مر گئے ہیں جو ہجرِ یار میں ہم
سخت بیتاب ہیں مزار میں ہم
کب ہوئے خارِ راہِ غیر بھلا
کیوں کھٹکتے ہیں چشمِ یار میں ہم
گر نہیں شیفتہؔ خیالِ فراق
کیوں تڑپتے ہیں وصل یار میں ہم
مر گئے ہیں جو ہجرِ یار میں ہم
سخت بے تاب ہیں مزار میں ہم
کب ہوئے خارِ راہِ غیر بھلا
کیوں کھٹکتے ہیں چشمِ یار میں ہم
گر نہیں شیفتہ خیالِ فراق
کیوں تڑپتے ہیں وصل یار میں ہم
بادہ بے ہودہ پی کے کیا کیجے
اب وہ ساقی نہیں وہ یار نہیں
سب حوصلہ جو صرف ہوا جورِ یار کا
مجھ پر گلہ رہا ستمِ روزگار کا
کیا اٹھ گیا ہے دیدۂِ اغیار سے حجاب
ٹپکا پڑے ہے کیوں نگہِ یار سے حجاب
روز و شبِ وصال مبارک ہو شیفتہ
جورِ فلک کو ہے ستمِ یار سے حجاب
گور میں یاد قدِ یار نے سونے نہ دیا
فتنۂِ حشر کو رفتار نے سونے نہ دیا
اثر آہ دلِ زار کی افواہیں ہیں
یعنی مجھ پر کرم یار کی افواہیں ہیں
کس توقع پہ جئیں شیفتہؔ مایوس کرم
غیر پر بھی ستمِ یار کی افواہیں ہیں

مومن خان مومن

غصہ بیگانہ وار ہونا تھا
بس یہی تجھ سے یار ہونا تھا
میں اگر آپ سے جاؤں تو قرار آ جائے
پر یہ ڈرتا ہوں کہ ایسا نہ ہو یار آ جائے
کہے ہے دیکھ کے رخسارِ یار آئینہ
کہ اس صفائی پہ صدقے نثار آئینہ
رازِ نہاں زبان اغیار تک نہ پہنچا
کیا ایک بھی ہمارا خط یار تک نہ پہنچا
بختِ رسا عدو کے جو چاہے سو کہے اب
یک بار یار مجھ تک میں یار تک نہ پہنچا

فیض احمد فیض

ہوئی ہے حضرتِ ناصح سے گفتگو جس شب
وہ شب ضرور سرِ کوئے یار گزری ہے
رہِ خزاں میں تلاشِ بہار کرتے رہے
شبِ سیہ سے طلب حسنِ یار کرتے رہے
خیالِ یار، کبھی ذکرِ یار کرتے رہے
اسی متاع پہ ہم روزگار کرتے رہے
قفس اداس ہے یارو صبا سے کچھ تو کہو
کہیں تو بہرِ خدا آج ذکرِ یار چلے
یہ ہمیں تھے جن کے لباس پر سرِ رہ سیاہی لکھی گئی
یہی داغ تھے جو سجا کے ہم سر بزمِ یار چلے گئے
آج یوں موج در موجِ غم تھم گیا، اس طرح غم زدوں کو قرار آ گیا
جیسے خوشبوئے زلفِ بہار آ گئی، جیسے پیغامِ دیدارِ یار آ گیا

مرزا رفیع سودا

کرتا تو ہے تو آن کے سوداؔ سے اختلاط
کوئی لہر آ گئی تو مرے یار دیکھنا
دیکھے بلبل جو یار کی صورت
پھر نہ دیکھے بہار کی صورت
دل دار اس کو خواہ دل آزار کچھ کہو
سنتا نہیں کسو کی مرا یار کچھ کہو

یگانہ چنگیزی

سایہ اگر نصیب ہو دیوارِ یار کا
کیا مرتبہ بلند ہو اپنے مزار کا
وحشت تھی ہم تھے سایۂ دیوارِ یار تھا
یا یہ کہو کہ سر پہ کوئی جن سوار تھا
ہنوز دردِ جدائی یار باقی ہے
کھٹک رہا تھا جو دل میں وہ خار باقی ہے
سزائے عشق بقدر گناہ نا ممکن
یہی بہت ہے کہ برہم مزاجِ یار رہے

جون ایلیا

ہم کو یاروں نے یاد بھی نہ رکھا
جونؔ یاروں کے یار تھے ہم تو
اس کی گل گشت سے روش بہ روش
رنگ ہی رنگ یار اٹھتا ہے
جونؔ اٹھتا ہے یوں کہو یعنی
میرؔ و غالبؔ کا یار اٹھتا ہے
کسے نذر دیں دل و جاں بہم کہ نہیں وہ کاکل خم بہ خم
کسے ہر نفس کا حساب دیں کہ شمیم یار بھی اب نہیں
نہیں اب تو اہلِ جنوں میں بھی وہ جو شوق شہر میں عام تھا
وہ جو رنگ تھا کبھی کو بہ کو سرِ کوئے یار بھی اب نہیں
ہر لمحہ گھمسان کا رن ہے کون اپنے اوسان میں ہے
کون ہے یہ؟ اچھا تو میں ہوں لاش تو ہاں اک یار گری

جگر مراد آبادی

جنہیں کہیے عشق کی وسعتیں جو ہیں خاص حسن کی عظمتیں
یہ اسی کے قلب سے پوچھئے جسے فخر ہو غمِ یار پر
عجب انقلاب زمانہ ہے مرا مختصر سا فسانہ ہے
یہی اب جو بار ہے دوش پر یہی سر تھا زانوئے یار پر
میں رہین درد سہی مگر مجھے اور چاہیے کیا جگرؔ
غمِ یار ہے مرا شیفتہ میں فریفتہ غمِ یار پر
سنا ہے حشر میں ہر آنکھ اسے بے پردہ دیکھے گی
مجھے ڈر ہے نہ توہین جمالِ یار ہو جائے
ادائے عشق ادائے یار بھی ہے
بہت سادہ بہت پرکار بھی ہے
جہاں وہ ہیں وہیں میرا تصور
جہاں میں ہوں خیالِ یار بھی ہے
طبیعت اس طرف خوددار بھی ہے
ادھر نازک مزاجِ یار بھی ہے
ہاں سزا دے اے خدائے عشق اے توفیق غم
پھر زبان بے ادب پر ذکرِ یار آ ہی گیا

سراج الدین ظفر

لائی نہیں پیام کوئی زلفِ یار سے
مجھ کو شکایتیں ہیں نسیم بہار سے
کھیلا ہو جو درازی گیسوئے یار سے
وہ کیا ڈرے گا طول شبِ انتظار سے

عبدالحمید عدم

چلو محبت کی بے خودی کے حسین خلوت کدے میں بیٹھیں
عجیب مصروفیت رہے گی نہ غیر ہو گا نہ یار ہو گا
چھیڑو تو اس حسین کو چھیڑو جو یار ہو
ایسی خطا کرو جو ادب میں شمار ہو
کتنے عروج پر بھی ہو موسمِ بہار کا
ہے پھول صرف وہ جو سر زلفِ یار ہو
اک سچا پیار ہی نہیں بس یار اے عدمؔ
جاں وار دو اگر کوئی جھوٹا بھی یار ہو
دو گھڑی اور دل لبھاتا جا
کیوں خفا ہو کے یار اٹھتا ہے
ایسے جاتی ہے زندگی کی امید
جیسے پہلو سے یار اٹھتا ہے

قمر جلالوی

آگ تھی یا خونِ شہ رگ تھا کسی ناچار کا
عید بھی کل ہو گئی آیا نہ قاصد یار کا
شراب منہ تک رہی ہے تیرا، نہ شیخ کرنا گوار باتیں
کوئی قیامت ابھی رکھی ہے یہ چھوڑ دے میرے یار باتیں
چھوڑ کر گھر بار اپنا حسرتِ دیدار میں
اک تماشا بن کے آ بیٹھا ہوں کوئے یار میں
دل کے اوپر نگاہِ یار نہیں
تیر منت کشِ شکار نہیں

شکیب جلالی

تیرگی ٹوٹ پڑی‘ زور سے بادل گرجا
بجھ گئی سہم کے قندیل رخِ یار یہاں

مصطفی زیدی

بڑے خلوص سے احوال پوچھنے کے لیے
گزر گئی شبِ فرقت تو میرے یار آئے

الطاف حسین حالی

نکل آئے گی مے کشی کی بھی حلت
کوئی مل گیا گر ہمیں یار واعظ
تصور میں کیا کرتے ہیں جو ہم
وہ تصویر خیالِ یار سے پوچھ

جمال احسانی

خطِ تقدیر کے سفاک و افسردہ سرے پر
مرا آنسو بھی دستِ یار پر رکھا ہوا تھا

احسان دانش

نہ جانے سحر یہ کیا تو نے چشمِ یار کیا
کہ میں نے ہوش کے جامے کو تار تار کیا
مہک رہا ہے ہر اک گل کا جامۂ رنگیں
صبا نے باغ میں کیا ذکر زلفِ یار کیا
بھر آئے دیدۂ انجم میں اشک مجبوری
جگر کو تھام کے جب ہم نے ذکرِ یار کیا

اختر شیرانی

یارو کوئے یار کی باتیں کریں
پھر گل و گلزار کی باتیں کریں
تمام عمر رہا گرچہ میں تہی پہلو
بسی ہوئی مرے پہلو میں بوئے یار رہی
زمان ہجر مٹے دور وصل یار آئے
الٰہی اب تو خزاں جائے اور بہار آئے
ستم ظریفی فطرت یہ کیا معمہ ہے
کہ جس کلی کو بھی سونگھوں میں بوئے یار آئے

بہزاد لکھنوی

وہ دل کہ جس پہ قیمت کونین تھی نثار
نظر نگاہِ یار کیا ہائے کیا کیا

بیخود بدایونی

گردش چشم یار نے مارا
دور لیل و نہار نے مارا
سخت جانی مری جو سن پائی
دم نہ پھر تیغ یار نے مارا
بنا دیا اسے خودبین و خود نما بیخودؔ
ہوا ہے آئینۂ حسن یار دل میرا

زہرا نگاہ

نظروں نے کس کی چاک کیے پردہ ہائے ‌ رنگ
سنولا دیا ہے جس نے رخِ یار کون ہے
دل بجھنے لگا آتشِ رخسار کے ہوتے
تنہا نظر آتے ہیں غمِ یار کے ہوتے

ظہیر کاشمیری

اے مہوشان شہر مری بندگی کرو
میں خود سنور کے عکس رخِ یار بن گیا
بستی بستی آج ہماری سعی وفا کی شہرت ہے
ہم نے ظہیرؔ اک عالم کو پابند نگاہِ یار کیا

عبید اللہ علیم

وحشت اسی سے پھر بھی وہی یار دیکھنا
پاگل کو جیسے چاند کا دیدار دیکھنا

علی سردار جعفری

ایک اک کر کے کھلی تھیں کلیاں ایک اک کر کے پھول گئے
ایک اک کر کے ہم سے بچھڑے باغ جہاں میں یار بہت

تلوک چند محروم

شام وصال سے ہو کیا محو فریب آرزو
یاد نہیں رہی ہمیں صبح وداع یار کیا
یہاں تو ضبط جنوں پر نہ کر مجھے مجبور
فضائے دشت ہے اے عقل بزمِ یار نہیں

جلیل مانک پوری

شباب ہو کہ نہ ہو حسنِ یار باقی ہے
یہاں کوئی بھی ہو موسمِ بہار باقی ہے
آنکھ پر خوں شق جگر دلِ داغ دار
کوئی نذر یار کے قابل نہیں
ہوائے شوق میں اب اڑ چلے ہم
ہوائے کوئے یار آئے نہ آئے

جوش ملیح آبادی

کیونکر نہ شب مہ روشن ہو کیوں صبح نہ دامن چاک کرے
کچھ وصف رموز حسن تو ہو کچھ شرح جمال یار تو ہو
توسل سے ترے دل میں بھروں گا قوتیں برقی
ذرا میری طرف بھی اے نگاہ یار ہو جانا

حسرت موہانی

محبت کی جو پھیلی ہے یہ نکہت باغ عالم میں
ہوئی ہے منتشر خوشبوئے یار آہستہ آہستہ
بدل لذتِ آزار کہاں سے لاؤں
اب تجھے اے ستمِ یار کہاں سے لاؤں
ہے وہاں شان تغافل کو جفا سے بھی گریز
التفات نگہِ یار کہاں سے لاؤں

رسا چغتائی

پا بہ زنجیر زلفِ یار رہی
دل اسیر خیالِ یار رہا
اپنا اپنا حسنِ نظر ہے اپنی اپنی منزل ہے
شرط میسر آتا ہے تو سایۂ زلفِ یار بہت
یہ نہ قصہ ہے نہ انداز بیاں
یہ مرا احوال ہے یار عزیز

سید ضمیر جعفری

کسی سے تلخیِ حالات کا گلہ ہی نہیں
کہ جو ہوا وہ بہ ایمائے چشمِ یار ہوا

سیف الدین سیف

عمر گزری مری شیرینی گفتار کے ساتھ
لب ملائے تھے کبھی میں نے لبِ یار کے ساتھ
برگِ گل جیسے ہوا کے رخ پر
کس لطافت سے لبِ یار کھلے

سلام مچھلی شہری

اے تقاضائے غمِ دہر میں کیسے آؤں
لذتِ درد غمِ یار کو کیسے چھوڑوں

سیماب اکبر آبادی

میں دل کی قدر کیوں نہ کروں ہجرِ یار میں
ان کی سی شوخیاں ہیں اسی بے قرار میں
سیمابؔ بے تڑپ سی تڑپ ہجرِ یار میں
کیا بجلیاں بھری ہیں دل بے قرار میں
تھی تاب حسن شوخی تصویر یار میں
بجلی چمک گئی نظر بے قرار میں
ہونا ہے جو ہستی کو مری خاک ہی سیمابؔ
پہلے ہی سے کیوں خاکِ در یار نہ ہو جائے
یہ دنیائے وفا دنیائے بے آزار ہو جائے
مجھی پر کیوں نہ تکمیل جفائے یار ہو جائے

شاد عظیم آبادی

نہ دل اپنا نہ غم اپنا نہ کوئی غم گسار اپنا
ہم اپنا جانتے ہر چیز کو ہوتا جو یار اپنا
جمے کس طرح اس حیرت کدے میں اعتبار اپنا
نہ دل اپنا نہ جان اپنی نہ ہم اپنے نہ یار اپنا
خطر کیا کشتی مے کو بھلا موجِ حوادث کا
نہ بیڑا پار ہو کیونکر کہ خود ساقی ہے یار اپنا
مرے نصیب کہاں اس طرح کے دیدۂ تر
سنوں یہ خوش خبری کان سے کہ یار آیا

شکیل بدایونی

غمِ حیات بھی آغوش حسنِ یار میں ہے
یہ وہ خزاں ہے جو ڈوبی ہوئی بہار میں ہے
اثر شراب کا عہد وفائے یار میں ہے
قدم قدم پہ جو لغزش سی اعتبار میں ہے
یہ اضطراب کا عالم یہ شوق بے پایاں
شکیلؔ آج بلا شبہ کوئے یار میں ہے
بھونرے ہیں اگر مدہوش تو کیا پروانے بھی ہیں خاموش تو کیا
سب پیار کے نغمے گاتے ہیں سب یار کی باتیں کرتے ہیں

فانی بدایونی

ہو گی کسی کو فرصت نظارۂ جمال
فانیؔ خراب حسن تماشائے یار ہے
جذبِ دل جب بروئے کار آیا
ہر نفس سے پیام یار آیا
یہ کس قیامت کی بیکسی ہے زمیں ہی اپنا نہ یار میرا
نہ خاطر بے قرار میری نہ دیدۂ اشک بار میرا
شباب ہوش کہ فی الجملہ یادگار ہوئی
جو عمر صرف تماشائے حسنِ یار ہوئی
غم کیا ہے اگر منزلِ جاناں ہے بہت دور
کیا خاکِ رہِ یار ہوا بھی نہیں جاتا

احمد فراز

گر غمِ سود و زیاں ہے تو ٹھہر جا اے جاں
کہ اسی موڑ پہ یاروں سے ہوئے یار جدا
یہ جدائی کی گھڑی ہے کہ جھڑی ساون کی
میں جدا گریہ کناں، ابر جدا، یار جدا
ہم نے اک عمر بسر کی ہے غمِ یار کے ساتھ
میرؔ دو دن نہ جیے ہجر کے آزار کے ساتھ
دیوانگی خرابیِ بسیار ہی سہی
کوئی تو خندہ زن ہے چلو یار ہی سہی
چل نکلتی ہیں غمِ یار سے باتیں کیا کیا
ہم نے بھی کیں در و دیوار سے باتیں کیا کیا
چشمِ گریاں میں وہ سیلاب تھے اے یار کہ بس
گرچہ کہتے رہے مجھ سے میرے غم خوار کہ بس
وہاں کیا داد خواہی کیا گواہی
جہاں ہوں منصفوں کے یار قاتل
ہم سر چاک وفا ہیں اور ترا دستِ ہنر
جو بنا دے گا ہمیں اے یار بن جائیں گے ہم
یہ بے دلی ہے تو کشتی سے یار کیا اتریں
ادھر بھی کون ہے دریا کے پار کیا اتریں
جو زخم داغ بنے ہیں وہ بھر گئے تھے فرازؔ
جو داغ زخم بنے ہیں وہ یار کیا اتریں
روگ ایسے بھی غمِ یار سے لگ جاتے ہیں
در سے اٹھتے ہیں تو دیوار سے لگ جاتے ہیں
بے بسی بھی کبھی قربت کا سبب بنتی ہے
رو نہ پائیں تو گلے یار سے لگ جاتے ہیں
غرورِ جاں کو مرے یار بیچ دیتے ہیں
قبا کی حرص میں دستار بیچ دیتے ہیں
بس اتنا فرق ہے یوسف میں اور مجھ میں فرازؔ
کہ اس کو غیر مجھے یار بیچ دیتے ہیں
سب قرینے اسی دل دار کے رکھ دیتے ہیں
ہم غزل میں بھی ہنر یار کے رکھ دیتے ہیں
وقت وہ رنگ دکھاتا ہے کہ اہلِ دل بھی
طاق نسیاں پہ سخن یار کے رکھ دیتے ہیں
بھید پائیں تو رہِ یار میں گم ہو جائیں
ورنہ کس واسطے بے کار میں گم ہو جائیں
یہ اداس اداس سے بام و در یہ اجاڑ اجاڑ سی رہگزر
چلو ہم نہیں نہ سہی مگر سرِ کوئے یار کوئی تو ہو
کل پرسشِ احوال جو کی یار نے میرے
کس رشک سے دیکھا مجھے غم خوار نے میرے
جو سر بھی کشیدہ ہو اسے دار کرے ہے
اغیار تو کرتے تھے سو اب یار کرے ہے
سبھی کہیں مرے غم خوار کے علاوہ بھی
کوئی تو بات کروں یار کے علاوہ بھی
بجھا ہے دل تو غمِ یار اب کہاں تو بھی
بسان نقش بہ دیوار اب کہاں تو بھی
مری غزل میں کوئی اور کیسے در آئے
ستم تو یہ ہے کہ اے یار، اب کہاں تو بھی

امیر مینائی

پسِ مرگ کاش یوں ہی مجھے وصل یار ہوتا
وہ سر مزار ہوتا، میں تہِ مزار ہوتا

شاذ تمکنت

تھا یہ گھر بابِ دعا مثل اثر تیرا ورود
اب تجھے اے قدم یار کہاں سے لاؤں
یہ دل و نظر فگاراں یہی تھی وہ وضع داراں
پس کوئے یار گریاں سرِ کوئے یار چپ تھے
ہوئی ہم پہ سنگ باری مگر اپنی وضع داری
کہ تھی شاذؔ جن سے یاری وہی اپنے یار چپ تھے

فراق گورکھپوری

طور تھا کعبہ تھا دل تھا جلوہ زار یار تھا
عشق سب کچھ تھا مگر پھر عالم اسرار تھا
نشۂ صد جام کیف انتظار یار تھا
ہجر میں ٹھہرا ہوا دل ساغر سرشار تھا
الوداع اے بزمِ انجم ہجر کی شب الفراق
تا بہ دور‌ زندگانی انتظار یار تھا
شوخی رفتار وجہ ہستی برباد تھی
زندگی کیا تھی غبارِ رہ گزار یار تھا
ذرہ ذرہ آئنہ تھا خود نمائی کا فراقؔ
سر بسر صحرائے عالم جلوہ زار یار تھا
لطف ساماں عتاب یار بھی ہے
محرم عشق شرمسار بھی ہے

قتیل شفائی

کس طرح اپنی محبت کی میں تکمیل کروں
غمِ ہستی بھی تو شامل ہے غمِ یار کے ساتھ
تیرا تو اک دل ٹوٹا ہے یار قتیلؔ اداس نہ ہو تو
لوگ تو جاں بھی دے دیتے ہیں پیارے اپنے یار کے پیچھے
دور اس پار دیکھتا کیا ہے
واقفِ خوئے یار سونے دے
اہلِ دل جاتے ہیں اب دار و رسن کی راہ سے
اس قدر مشکل وصالِ یار پہلے تو نہ تھا

کلیم عاجز

نہ کوئی شانہ بچا ہے نہ کوئی آئینہ
دراز دستی گیسوئے یار دیکھو تو
ادا ہمیں نے سکھائی نظر ہمیں نے دی
ہمیں سے آنکھ چراؤ ہو یار دیکھو تو

مجروح سلطان پوری

وہ تو کہیں ہے اور مگر دل کے آس پاس
پھرتی ہے کوئی شے نگہِ یار کی طرح
وہ تو گیا یہ دیدۂ خوں بار دیکھیے
دامن پہ رنگِ پیرہن یار دیکھیے
میں نے دیکھی دیکھی اسی میں غمِ دوراں کی جھلک
بے خبر رنگ جہاں سے نگہِ یار سہی
ادائے طول سخن کیا وہ اختیار کرے
جو عرضِ حال بہ طرز نگاہِ یار کرے

محسن احسان

جلا گئی ہے مری آگ پیرہن میرا
میں کیا گلہ کروں تجھ سے چراغ‌ محفلِ یار
یہ کس نے سرد گلستاں کا ذکر چھیڑا ہے
نکھر چلا ہے نگاہوں میں پیکر‌ قدِ یار
ہوائے کم نگہی نے بجھا دیا ورنہ
میں وہ چراغ کہ روشن حریم یار میں تھا

ناصر کاظمی

شوقِ آزادی لیے جاتا ہے عالم سے پرے
روکتی ہے ہر قدم آواز پائے یار بھی
تکلیفِ غمِ فراق دائم
تقریبِ وصالِ یار کچھ دیر
کہیں ملا تو کسی دن منا ہی لیں گے اسے
وہ زود رنج سہی پھر بھی یار اپنا ہے