مرزا غالب

رہیے اب ایسی جگہ چل کر جہاں کوئی نہ ہو
ہم سخن کوئی نہ ہو اور ہم زباں کوئی نہ ہو
رہا بلا میں بھی، میں مبتلائے آفت رشک
بلائے جاں ہے ادا تیری اک جہاں کے لیے

امام بخش ناسخ

دو روز ایک وضع پہ رنگ جہاں نہیں
وہ کون سا چمن ہے کہ جس کو خزاں نہیں

انشاء اللہ خان انشا

ولیکن پاس کہتی ہے کہ ہوں گی خواب کی باتیں
تمہیں کچھ خیر ہے صاحب بتاؤ تو جہاں لپٹے
گروا بنا کے ریش مخضب سے محتسب
جاتا ہے اس مقام میں جاوے جہاں بسنت

بہادر شاہ ظفر

تمہارے عشق نے رسوا کیا جہاں میں ہمیں
ہمارا ذکر نہ تم کیوں کہ اک جہاں سے سنو

حیدر علی آتش

دیوانہ جو نہ عشق سے ہو آدمی نہیں
حسن پری کا جلوہ طلسم جہاں میں ہے
بہت آتا ہے یاد اے صبر مسکیں
خدا خوش رکھے تجھ کو تو جہاں ہے
وحشی تھے بوئے گل کی طرح اس جہاں میں ہم
نکلے تو پھر کے آئے نہ اپنے مکاں میں ہم
ساکن ہیں جوشِ اشک سے آبِ رواں میں ہم
رہتے ہیں مثل مردم آبی جہاں میں ہم
دنیا و آخرت میں طلب گار ہیں ترے
حاصل تجھے سمجھتے ہیں دونوں جہاں میں ہم
عارف ہے وہ جو حسن کا جویا جہاں میں ہے
باہر نہیں ہے یوسف اسی کارواں میں ہے
دین و دنیا کا طلب گار ہنوز آتشؔ ہے
یہ گدا سائل نقدِ دو جہاں ہے کہ جو تھا

داغ دہلوی

جو دل قابو میں ہو تو کوئی رسوائے جہاں کیوں ہو
خلش کیوں ہو تپش کیوں ہو قلق کیوں ہو فغاں کیوں ہو
پڑا ہے بڑا پیچ پھر دل لگی میں
طبیعت رکی ہے جہاں آتے آتے
ہر چند داغؔ ایک ہی عیار ہے مگر
دشمن بھی تو چھٹے ہوئے سارے جہاں کے ہیں
کیوں کہ نہ آتے خلد سے آدم زمین پر
موزوں وہیں وہ خوب ہے جو سنتے جہاں کی ہے
بگڑ گئی ہے یہاں بے طرح جہاں کی طرح
کہاں کی وضع کہاں کی ادا کہاں کی طرح

مصحفی غلام ہمدانی

مصحفیؔ عشق کر کے آخر کار
خوب رسوا ہوئے جہاں میں ہم
جب سے صانع نے بنایا ہے جہاں کا بہروپ
اپنی نظروں میں ہے سب کون و مکاں کا بہروپ
اہلِ دل گر جہاں سے اٹھتا ہے
اک جہاں جسم و جاں سے اٹھتا ہے
چلو اے ہم رہو غنیمت ہے
جو قدم اس جہاں سے اٹھتا ہے
ہم جہاں رہتے ہیں یارو وہ جہاں اور ہی ہے
وہ جگہ اور ہی ہے اور وہ مکاں اور ہی ہے
کدھر جائیے اور کہاں بیٹھیے
پرچتا نہیں دل جہاں بیٹھیے
ناز رفتار یہ نہیں دیکھا
ہم نے دیکھی ہے اک جہاں کی چال
نہ بلا لائے مجھ سا دیوانہ
سنگسار جہاں کو کیوں چھیڑا
وہیں تھے شاخِ گل پر گل جہاں جمع
کیے بلبل نے خار آشیاں جمع
فلک نے سنگ پھینکا تفرقے کا
ہوئے دو چار صاحبِ دل جہاں جمع
وائے ناکامی کہ فریادی ہیں ہم اس شہر میں
جز خموشی داد رس اپنا جہاں کوئی نہیں

مصطفٰی خان شیفتہ

اک حال خوش میں بھول گئے کائنات کو
اب ہم وہاں ہیں مطرب و ساقی جہاں نہیں
ہے بد بلا کسی کو غمِ جاوداں نہ ہو
یا ہم نہ ہوں جہاں میں خدا یا جہاں نہ ہو

میر مہدی مجروح

نہ یہاں اور نہ اب وہاں ہوں میں
کیا بتاؤں تمہیں جہاں ہوں میں
یاد میں ہے کسی کی استغراق
کون پہنچے وہاں جہاں ہوں میں
عرش پیمائی خیال عبث
کون پہنچا وہاں جہاں ہو تم

فیض احمد فیض

ہے وہی عارض لیلٰی، وہی شیریں کا دہن
نگہِ شوق گھڑی بھر کو جہاں ٹھہری ہے

مرزا رفیع سودا

پردے کو تعین کے درِ دل سے اٹھا دے
کھلتا ہے ابھی پل میں طلسمات جہاں کا
دل لے کے ہمارا جو کوئی طالب جاں ہے
ہم بھی یہ سمجھتے ہیں کہ جی ہے تو جہاں ہے
پیری جو تو جاؤے تو جوانی سے یہ کہنا
خوش رہیو مری جان تو جیدھر ہے جہاں ہے
ہو کے استاد دبستان سخن میں سوداؔ
شعر کے قاعدہ دانان جہاں پر آیا

یگانہ چنگیزی

اس طلسم دہر میں سر بھی اٹھا سکتے نہیں
کشمکش میں سیر نیرنگِ جہاں کیوں کر کریں

باقی صدیقی

حالات نے اس طرح جکڑ رکھا ہے باقیؔ
جو کچھ بھی دکھاتا ہے جہاں دیکھ رہے ہیں
کیا تم سے گلہ کہ مہرباں ہو
جیتے رہو، خوش رہو، جہاں ہو
ہمیں کوئی نہ آسرا ملتا
بے اماں ہوتے ہم جہاں ہوتے
غم اور خوشی کے راستے آ کر جہاں ملے
کچھ مہرباں جدا ہوئے کچھ مہرباں ملے
باقیؔ نہ تھی اگرچہ فریب وفاکی تاب
پھر بھی رکے نقوش محبت جہاں ملے
اک نہ اک زخم رہا پیشِ نظر
تم نہ یاد آئے جہاں یاد آیا
آپ کی یا جہاں کی بات کریں
کون سے مہرباں کی بات کریں
ہو چکیں اس جہان کی باتیں
اب کوئی اس جہاں کی بات کریں
دلِ شوریدہ سے الجھا تھا کوئی
تم تھے یا درد جہاں یاد نہیں
باقیؔ جو چپ رہو گے تو اٹھیں گی انگلیاں
ہے بلونا بھی رسم جہاں بولتے رہو
لو دلوں کی حدیں سمٹنے لگیں
تنگ ہے کس قدر جہاں دیکھو
یہی جہاں تھا، یہی گردش جہاں تھی کبھی
وہ مہرباں تھے تو ہر چیز مہرباں تھی کبھی
کبھی کبھی مجھے باقیؔ خیال آتا ہے
وہاں نہیں ہے مری زندگی جہاں تھی کبھی
یہی جہاں تھا، یہی گردش جہاں تھی کبھی
تو مہرباں تھا تو دنیا بھی مہرباں تھی کبھی
کبھی کبھی مجھے باقیؔ خیال آتا ہے
وہاں ہیں ہے مری زندگی جہاں تھی کبھی
ہم تو دنیا سے بدگماں ٹھہرے
آگے دل کی خوشی جہاں ٹھہرے
گردشِ دہر ساتھ ساتھ رہی
ہم جدھر بھی گئے ، جہاں ٹھہرے
دل کا یا جی کا زیاں کرنا پڑے
کچھ نہ کچھ نذر جہاں کرنا پڑے
باقیؔ ستمگروں کی ادائے ستم نہ پوچھ
زنداں وہیں بنائے نشیمن جہاں جلے
یہ رخ بھی کش مکش زندگی کا دیکھا ہے
جہاں کی بات نہ کی اور جہاں کے ساتھ چلے
زمانے کی حقیقت خود بخود کل جائے گی باقیؔ
چلا چل تو بھی وہ تیرا جہاں تک ساتھ دیتا ہے

جون ایلیا

اب خاک اڑ رہی ہے یہاں انتظار کی
اے دل یہ بام و در کسی جانِ جہاں کے تھے

جگر مراد آبادی

مری نظر سے تری جستجو کے صدقے میں
یہ اک جہاں ہی نہیں سینکڑوں جہاں گزرے
سخت خوں ریز جب آشوب جہاں ہوتا ہے
نہیں معلوم یہ انسان کہاں ہوتا ہے
جو نظر کردۂ صاحب نظراں ہوتا ہے
اسی دیوانے کے قدموں پہ جہاں ہوتا ہے
جب کوئی عشق میں برباد جہاں ہوتا ہے
مجھ کو محسوس خود اپنا ہی زیاں ہوتا ہے
ان کا جو فرض ہے وہ اہل سیاست جانیں
میرا پیغام محبت ہے جہاں تک پہنچے

خواجہ میر درد

مجھے در سے اپنے تو ٹالے ہے یہ بتا مجھے تو کہاں نہیں
کوئی اور بھی ہے ترے سوا تو اگر نہیں تو جہاں نہیں

قمر جلالوی

خرامِ راز میں پنہاں نہ جانے کیسے محشر ہیں
وہیں اک حشر ہوتا ہے نکلتے ہوں جہاں ہو کر
یہ نا ممکن ہو تیرا ستم مجھ سے عیاں کوئی
وہاں فریاد کرتا ہوں نہیں ہوتا جہاں کوئی
ہم بھی انہیں کے ساتھ چلے وہ جہاں چلے
جیسے غبارِ راہ پسِ کارواں چلے
قمر وہاں سے میں کشتی بچا کہ لایا ہوں
کسی کی ناؤ سلامت جہاں نہیں رہتی

عرفان صدیقی

ہر ایک ذرہ تھا گردش میں آسماں کی طرح
میں اپنا پاؤں زمیں پر جہاں بھی رکھتا تھا
اب نہ مل پائیں مرے ہم نفساں بھی شاید
خانۂ شیر دہاں ہے یہ جہاں بھی شاید
دیکھئے جو دشت زندہ ہے دم آہو سے ہے
سوچئے وہ شہر کیا ہو گا جہاں میں ہی نہیں
سر ہونے دو یہ کارِ جہاں عیش کریں گے
ہم لوگ بھی اے دل زدگاں عیش کریں گے
پھول چہروں پہ سویروں کا سماں جیسا ہے
سارا منظر مرے خوابوں کے جہاں جیسا ہے
ہے بہت کچھ مری تعبیر کی دنیا تجھ میں
پھر بھی کچھ ہے کہ جو خوابوں کے جہاں سے کم ہے

مجید امجد

کس انہماک سے بیٹھی کشید کرتی ہے
عروسِ گل بہ قبائے جہاں، گلاب کے پھول
یہ کیا طلسم ہے ، یہ کس کی یاسمیں بانہیں
چھڑک گئی ہیں جہاں در جہاں گلاب کے پھول
ضمیرِ رازداں ہے اور میں ہوں
جہاں اندر جہاں ہے اور میں ہوں
قریبِ دل، خروشِ صد جہاں ہم
جو تم سن لو، تمہاری داستاں ہم
سوادِ نور سے دیکھیں تو تب سراغ ملے
کہ کس مقام کی ظلمت ہے کس جہاں کے لیے