مرزا غالب

منہ نہ کھلنے پر ہے وہ عالم کہ دیکھا ہی نہیں
زلف سے بڑھ کر نقاب اس شوخ کے منہ پر کھلا
اعتبارِ عشق کی خانہ خرابی دیکھنا
غیر نے کی آہ لیکن وہ خفا مجھ پر ہوا
تو دوست کسی کا بھی، ستمگر! نہ ہوا تھا
اوروں پہ ہے وہ ظلم کہ مجھ پر نہ ہوا تھا
لکھتا ہوں اسدؔ سوزشِ دل سے سخنِ گرم
تا رکھ نہ سکے کوئی مرے حرف پر انگشت
بلا سے ہیں جو یہ پیشِ نظر در و دیوار
نگاہِ شوق کو ہیں بال و پر در و دیوار
ہجومِ گریہ کا سامان کب کیا میں نے
کہ گر پڑے نہ مرے پاؤں پر در و دیوار
وہ آ رہا مرے ہم سایہ میں، تو سائے سے
ہوئے فدا در و دیوار پر در و دیوار
گھر جب بنا لیا ترے در پر کہے بغیر
جانے گا اب بھی تو نہ مرا گھر کہے بغیر؟
جی میں ہی کچھ نہیں ہے ہمارے وگرنہ ہم
سر جائے یا رہے ، نہ رہیں پر کہے بغیر
غالب نہ کر حضور میں تو بار بار عرض
ظاہر ہے تیرا حال سب ان پر کہے بغیر
دائم پڑا ہوا ترے در پر نہیں ہوں میں
خاک ایسی زندگی پہ کہ پتھر نہیں ہوں میں
مگر غبار ہوے پر ہوا اڑا لے جائے
وگرنہ تاب و تواں بال و پر میں خاک نہیں
آگے آتی تھی حالِ دل پہ ہنسی
اب کسی بات پر نہیں آتی
مرتے ہیں آرزو میں مرنے کی
موت آتی ہے پر نہیں آتی
اڑتی پھرے ہے خاک مری کوئے یار میں
بارے اب اے ہوا! ہوسِ بال و پر گئی

امام بخش ناسخ

ساتھ نامے کے گئی جان بھی سوئے جاناں
ہو گیا طائرِ جاں کے لیے شہ پر کاغذ
جائے جراح کہ اب نامہ بر آ پہنچا ہے
بدلے پھاہے کے رکھوں داغِ جگر پر کاغذ

انشاء اللہ خان انشا

چین ہرگز نہیں مخمل کے اسے تکیے پر
اس پری کے لیے ہو حور کے پر کا تکیہ
زمیں سے اٹھی ہے یا چرخ پر سے اتری ہے
یہ آگ عشق کی یا رب کدھر سے اتری ہے
لباس آہ میں لکھنے کے واسطے انشاؔ
قلم دوات تجھے عرش پر سے اتری ہے

حیدر علی آتش

جوہر نہیں ہمارے ہیں صیاد پر کھلے
لے کر قفس کو اڑ گئے رکھا جو پر کھلے
رنگریز کی دکاں میں بھرے ہوں ہزار رنگ
طرہ وہ ہے جو یار کی دستار پر کھلے
یا پھر کتر پر اس کے صیاد یا چھری پھیر
بے بال و پر نے تیرے پھر بال و پر سنبھالے

داغ دہلوی

داغ کی شامت جو آئی اضطراب شوق میں
حالِ دل کمبخت نے سب ان کے منہ پر رکھ دیا
ہے دوا ان کی آتشِ رخسار
سینکتے ہیں اس آگ پر آنکھیں
خاک پر کیوں ہو نقشِ پا تیرا
ہم بچھائیں زمین پر آنکھیں
کہیں ایسے بگڑے سنورتے بھی دیکھے
نہ آئیں گے وہ راہ پر دیکھ لینا
ہمیں جان دیں گے ہمیں مر مٹیں گے
ہمیں تم کسی وقت پر دیکھ لینا

شیخ ابراہیم ذوق

نہیں وہ قول کا سچا ہمیشہ قول دے دے کر
جو اس نے ہاتھ میرے ہاتھ پر مارا تو کیا مارا
دل سنگین خسرو پر بھی ضرب اے کوہ کن پہنچی
اگر تیشہ سرِ کہسار پر مارا تو کیا مارا
اک صدمہ دردِ دل سے مری جان پر تو ہے
لیکن بلا سے یار کے زانو پہ سر تو ہے

مصحفی غلام ہمدانی

اے مصحفیؔ کچھ کمی نہیں واں
جو چاہے سو مانگ پر خدا سے
پروانہ کیا اڑے ہے چراغاں میں تو نہیں
پہنچا جو کوئی شعلہ ترے بال و پر تلک
ہاتھ اٹھتے تھے پیٹنے کے لیے
تیرے کشتے کی لاش پر سب کے
گر یہی ہے رسائی صیاد
ایک دن باندھے گا یہ پر سب کے
خوش طالعی میں شمس و قمر دونوں ایک ہیں
دن رات کا تو فرق ہے پر دونوں ایک ہیں
بلبل کا باغباں سے کیا اب نشان پوچھوں
بیروں در چمن کے یک مشت پر پڑے ہیں

مصطفٰی خان شیفتہ

س سے میں شکوے کی جا شکرِ ستم کر آیا
کیا کروں تھا مرے دل میں سو زباں پر آیا
جذبۂِ شوق کی تاثیر اسے کہتے ہیں
سن کے قاصد کی خبر آپ وہ در پر آیا
بے طاقتی شوق سے میں اٹھ ہی چکا تھا
ناگاہ وہ بے تاب مری قبر پر آیا
پروانہ گر نہ جائے تو بے جا ہے لافِ عشق
روشن ہے میرے نالوں سے افلاک پر چراغ
بلبل ہمارے گھر وہ خود آتے ہیں رحم سے
افزوں ہے بے پری میں یہاں بال و پر سے فیض

مومن خان مومن

اے قیامت نہ آئیو جب تک
وہ مری گور پر نہ ہو جائے

میر مہدی مجروح

کبھی ٹوٹیں کبھی صیاد کاٹے
غرض اڑنا نہیں ہے بال و پر سے
زاہد کے بخت بد کی ہے خوبی وگرنہ کیوں
چھوڑے کوئی شراب کی امید پر شراب
سمجھا نہیں کہ جیتے ہیں مردے اسی طرح
چھڑکے وگرنہ کیوں وہ مری خاک پر شراب

یگانہ چنگیزی

آزاد ہو سکا نہ گرفتار شش جہت
دل مفت بندۂ ہوسِ بال و پر ہوا
آ رہی ہے صاف بوئے سنبل باغ جناں
گیسوئے محبوب شاید میری میت پر کھلا
چار دیوارِ عناصر پھاند کر پہنچے کہاں
آج اپنا زور وحشت عرشِ اعظم پر کھلا
اشکِ خوں سے زرد چہرے پر ہے کیا طرفہ بہار
دیکھیے رنگ جنوں کیسا مرے منہ پر کھلا
گلے پر چھری کیوں نہیں پھیر دیتے
اسیروں کو بے بال و پر کرنے والے
کھلنے والا نہیں در توبہ
فکر انجام وقت پر نہ ہوئی
شور نفس بلبل سے ہوش اڑیں سب کے
گر زمزمہ سنجی پر یہ مشت پر آ جائے

باقی صدیقی

گزری ہے صبا قفس سے ہو کے
لینا غم بال و پر گئے ہم
تم ظلمتوں میں دل کی کرن پھینکتے رہو
اس گھر کی روشنی کا مدار آگ پر سہی
ترے نغموں میں بھی کھویا ہوا ہوں
لگے ہیں کان دل کے شور پر بھی
چپہو گئے یوں اسیر جیسے
جھگڑے تھے تمام بال و پر کے
خاموش ہیں یوں اسیر جیسے
جھگڑے تھے تمام بال و پر کے
ایسے گھر کی بہار معلوم
جس کی بنیاد آگ پر ہے
شعر کا روپ بدلکر باقیؔ
دل کے کچھ زخم زباں پر آئے
یہ نشیمن یہ گلستاں باقیؔ
اور سب کچھ ہے بال و پر کے سوا
اٹھ گئی ہے وفا ہی دنیا سے
بات اک آپ پر نہیں آتی
کون سی شے کی ہے کمی باقیؔ
زندگی راہ پر نہیں آتی
پھول بکرھے ہیں خاک پر ساقی
بام افلاک سے اتر ساقی
جب سایہ آدمی کا پڑا سر کا آدمی
اپنی ہوا میں اڑتا ہے بے پر کا آدمی
فاصلہ دل کا مختصر ہے ابھی
فیصہ اک نگہ پر ہے ابھی
جلتا ہوا آشیاں تو دیکھیں
ٹوٹے ہوئے پر بھی دیکھ لیں گے
میں نہیں گویا کسی کا ترجما
ہمنوا یوں وقت پر چپ ہو گئے

جون ایلیا

آزادگی میں شرط بھی ہے احتیاط کی
پرواز کا ہے اذن مگر پر سمیٹ لو
رکھتا نہیں ہے کوئی نگفتہ کا یاں حساب
جو کچھ ہے دل میں اس کو لبوں پر سمیٹ لو
ہم یہاں خود آئے ہیں لایا نہیں کوئی ہمیں
اور خدا کا ہم نے اپنے نام پر رکھا ہے نام
ہے اب تو ایک جال سکون ہمیشگی
پرواز کا تو ذکر ہی کیا پر بھی کچھ نہیں
یاراں تمہیں جو مجھ سے گلہ ہے تو کس لیے
مجھ کو تو اعتراض خدا پر بھی کچھ نہیں
گزرے گی جونؔ شہر میں رشتوں کے کس طرح
دل میں بھی کچھ نہیں ہے زباں پر بھی کچھ نہیں
کوہ و کمر میں ہم صفیر کچھ نہیں اب بجز ہوا
دیکھیو پلٹیو نہ آج شہر سے پر لیے بغیر
یہ خراباتیان خرد باختہ
صبح ہوتے ہی سب کام پر جائیں گے
لٹا دے نیند کے بستر پہ اے رات
میں دن بھر اپنی پلکوں پر رہا ہوں
ہو نہ سکا ہمیں کبھی اپنا خیال تک نصیب
نقش کسی خیال کا لوح خیال پر رہا
کوئی جنوں نہیں سودائیان صحرا کو
کہ جو عذاب بھی آئے وہ شہر پر آئے
وہی ناز و ادا وہی غمزے
سر بہ سر آپ پر گیا ہوں میں
آدمی وقت پر گیا ہو گا
وقت پہلے گزر گیا ہو گا
کسی سے عہد و پیماں کر نہ رہیو
تو اس بستی میں رہیو پر نہ رہیو
ہر اک حالت کے بیری ہیں یہ لمحے
کسی غم کے بھروسے پر نہ رہیو
ہم رہے پر نہیں رہے آباد
یاد کے گھر نہیں رہے آباد
ہم کہ اے دل سخن تھے سر تا پا
ہم لبوں پر نہیں رہے آباد

جگر مراد آبادی

ڈالا ہے بے خودی نے عجب راہ پر مجھے
آنکھیں ہیں اور کچھ نہیں آتا نظر مجھے
کیا جانیے قفس میں رہے کیا معاملہ
اب تک تو ہیں عزیز مرے بال و پر مجھے
وقف ہے صیاد کی اک اک نظر میرے لیے
ہاں مبارک یہ شکست بال و پر میرے لیے
میں بھی ہوں اپنی جگہ خونیں جگر خونیں کفن
تو نہ اپنی جان کھو اے مشت پر میرے لیے

خواجہ میر درد

آہ بس مت جی جلا تب جانیے
جب کوئی افسوں ترا اس پر چلے
یوں تو نظر پڑے ہیں دل افگار اور بھی
دل ریش کوئی آپ سا دیکھا نہ پر کہیں
دیکھنے کو رہے ترستے ہم
نہ کیا رحم تو نے پر نہ کیا
عرق کی بوند اس کی زلف سے رخسار پر ٹپکی
تعجب کی ہے جاگہ یہ پڑی خورشید پر شبنم
نہیں اسباب کچھ لازم سبک ساروں کے اٹھنے کو
گئی اڑ دیکھتے اپنے بغیر از بال و پر شبنم

قمر جلالوی

صیاد دیکھ لی کششِ موش بہار کی
اڑ اڑ کے باغ میں مرا ایک ایک پر گیا
پوری کیا موسیٰؑ تمنا طور پر ہو جائے گی
تم اگر اوپر گئے نیچی نظر ہو جائے گی
قیدِ قفس سے چھٹ کے پہنچ جاؤں گھر ابھی
اتنے کہاں ہوئے ہیں مرے بال و پر ابھی
صیاد صرف پاسِ وفا ہے جو ہوں خموش
ورنہ خدا کے فضل سے ہیں بال و پر ابھی
قفس میں محوِ زاری کاہے کو شام و سحر ہوتے
اسیروں کے کسی قابل اگر صیاد پر ہوتے
ہو گیا صیاد برہم ہے اے اسیرانِ قفس
بند اب یہ نالہ و فریاد، ورنہ پر چلے
اے ہم قفس نہ مانگ دعائیں بہار کی
آتے نہیں ہیں راس مرے بال و پر مجھے
قفس میں دیکھ کر بازو اسیر آپس میں کہتے ہیں
بہارِ گل تک آ جائیں گے پر آہستہ آہستہ

شکیب جلالی

ہر ہر قدم پہ آنکھیں ‘ تھیں فرشِ راہ، لیکن
وہ روشنی کا ہالا‘ اترا نہ بام پر سے
اب یہ ویران دن‘ کیسے ہو گا بسر
رات تو کٹ گئی‘ درد کی سیج پر
اپنے غم پر تبسم کا پردہ نہ ڈال
دوست! ہم ہیں سوار ایک ہی ناؤ پر
دستکیں دیتی ہیں شب کو درِ دل پر یادیں
کچھ نہیں ہے ‘ مگر اس گھر کا مقدر یادیں

عرفان صدیقی

نقشِ ظفر تھا لوحِ ازل پر لکھا ہوا
تلوار کاٹ سکتی تھی کیوں کر لکھا ہوا
تھا کمیں گاہ میں سناٹے کا عالم، لیکن
اک نیا رنگ یہ ٹوٹے ہوئے پر میں کیا تھا
کوئی اونچا نہیں اڑتا تھا، پھر بھی
کوئی بے بال و پر ایسا نہیں تھا
کچھ ہواؤں کا بھی اندازہ نہ تھا پہلے ہمیں
اور کچھ سر میں غرورِ بال و پر جیسا بھی تھا
کل اس نے سیر کرائی نئے جہانوں کی
تو رنجِ نارسیِ بال و پر چلا بھی گیا
شاعری سے کوئی قاتل راہ پر آتا نہیں
اور ہم کو دوسرا کوئی ہنر آتا نہیں
خواب آسودگی بال و پر آنے کا نہیں
شام آنکھوں سے یہ کہتی ہے گھر آنے کا نہیں
تم ہمیں ایک دن دشت میں چھوڑ کر چل دیے تھے تمہیں کیا خبر یا اخی
کتنے موسم لگے ہیں ہمارے بدن پر نکلنے میں یہ بال و پر یا اخی
گرا تو کوئی جزیرہ نہ تھا سمندر میں
کہ پانیوں پہ کھلے بھی بہت تھے پر میرے
خیالوں کو بیاں کے دائروں میں لاؤ گے کیوں کر
کمندیں بھاگتی پرچھائیوں پر کیسے پھینکو گے
فضا میں زندہ ہے پچھلی اڑان کی آواز
مری شکستگی بال و پر سلام تجھے
خلاء میں کیا نظر آتے ، زمین پر نہیں آئے
ستارہ جو کو فرشتے کہیں نظر نہیں آئے

مجید امجد

اک عمر دل کی گھات سے تجھ پر نگاہ کی
تجھ پر تری نگاہ سے چھپ کر نگاہ کی
جب بھی غمِ زمانہ سے آنکھیں ہوئیں دوچار
منہ پھیر کر تبسمِ دل پر نگاہ کی